მათი განცხადებით, სოფლის მეურნეობის სამინისტრომ ოზურგეთის მუნიციპალიტეტში არაკანონიერად დანიშნა საინფორმაციო _ საკონსულტაციო სამსახურის ოზურგეთის ხელმძღვანელი გიორგი ჭყონია და მისი მოადგილე გურამ იობიშვილი.
მათი განცხადებით, შესაბამისად კონკურსიც კანონდარღვევით ჩატარდა, რადგან გურამ იობიშვილს 4 მარტს კონკურსში მონაწილეობა არ მიუღია, ხოლო რაც შეეხება გიორგი ჭყონიას, ის სრული კანონდარღვევით არის დანიშნული, რადგან მას არ ააქვს ხუთი წლის მუშაობის სტაჟი, რაც შეეხება განათლებას, აქვს უნივერსიტეტის გეოგრაფ _ გეოლოგის ბაკალავრის დიპლომი.
მარინა სუნგულია: ადგილობრივ ხელისუფლებას, ბატონ კოტე შარაშენიძეს არანაირად არ აწყობდა ჩემი ამ სამსახურში გასვლა. მათ შორის გუბერნიის თანამშრომლებიც არიან ჩარეულები ამ საქმეში, რადგან ჭყონია გუბერნიის თანამშრომელი იყო. მათ ეს შეხმატკბილებულად გაკეთებული. პროკურორს რომ მეძახის დღევანდელი გამგებელი, ეგ არახალია, იმიტომ რომ მე შევიტანე საჩივარი პროკურატურაში სოფლის პროექტებთან და # 1 საჯარო სკოლასთან დაკავშირებით. “პროკურორის” იმიჯმა, ეტყობა ძალიან შეაშინა სოფლის მეურნეობის სამინისტროს წარმომადგენლები.
ნინო შეწირული: “პირად საუბრებში მეუბნებიან, რომ არ გინდათ საჩივრები, ძალიან გთხოვთ იქნებ სხვანაირად მოვაგვაროთ, მაგრამ ჩვენ აუცილებლად ვაპირებთ მივმართოთ სასამართლოს იმაზე, რომ ბატონი იობიშვილი უკანონოდ არის დანიშნული. ამას სამინისტროს წარმომადგენლებიც ვერ უარყოფენ, თუმცა მათ არ უნდათ აჟიოტაჟის ატეხვა, იმიტომ, რომ მათ უკან დგანან სხვა მაღალჩინოსნები. თუმცა, ვიმედოვნებთ, რომ ის ადამიანები, რომლებმაც კონკურსის უკანონო გადაწყვეტილებებში მიიღეს მონაწილეობა, ყველა აგებს პასუხს სასამართლოს წინაშე და დაისჯებიან”.
საინფორმაციო _ საკონსულტაციო სამსახურის ოზურგეთის ხელმძღვანელი გიორგი ჭყონია “გურია ნიუსთან” მარინე სუნგულიას მიერ გაკეთებულ განცხადებებს სისულელეს უწოდებს.
_ სისულელეა და აბსურდულია ეგ განცხადებები, მე მაქვს სოფლის მეურნეობის კუთხით დიპლომი, მაქვს გეოგრაფია – გეოლოგიის კუთხით დიპლომი, დავამთავრე მაგისტრიც, ამ თემაზე კომენტარის გაკეთება არის აბსურდული. თუ დადგება საკითხი, კი ბატონო ვისაუბრებ, მე რატომ უნდა ვამტკიცო ჩემი უდანაშაულობა? მან დაამტკიცოს ჩემი ბრალეულობა, არარეალურ რაღაცეებს ლაპარაკობს რა!
_ იცით თუ არა, რომ სასამართლოში შეაქვთ საჩივარი?
_ კი ბატონო, სრული უფლება აქვს, გამოიკვლიოს ეს საკითხი ბოლომდე.
ოზურგეთის მუნიციპალიტეტის გამგებელის მოვალეობის შემსრულებელი კოტე შარაშენიძე კი “გურია ნიუსთან” აცხადებს, რომ გიორგი ჭყონია პირველად დღეს გაიცნო.
_ საერთოდ არ ვიცნობდი გიორგი ჭყონიას დღემდე, ფიზიკურად არ მყავდა ნანახი. არც მის დანიშვნაში მიმიძღვის რაიმე წვლილი.
