(გურია ნიუსი, ლანჩხუთი) _ ლანჩხუთელმა კარატისტებმა გასულ წელს გურია ასახელეს _ ჩვენებურებმა საერთო ჯამში 92 სხვადასხვა სინჯის მედლის მოპოვება შეძლეს. ასეთი წარმატება, მედლების რაოდენობას ვგულისხმობთ, ლანჩხუთის ისტორია-ში არავის მოუპოვებია.
წინასაახალწლოდ ლანჩხუთში გასული წლის სხვადასხვა დარგის გამორჩეული ადამიანები დასახელდა, მათ შორის სპორტის სახეობებშიც, მაგრამ, მათ რიცხვში რატომღაც არ აღმოჩნდა 92 მედლის მომპოვებელი ლანჩხუთელი კარატისტებიდან არც ერ-თი და არც გუნდურ შეჯიბრებებში წლის მთავარი ტრიუმფატორები.
თუმცა, მიუხედავად ლანჩხუთში “დაწუნებისა”, გურულმა კარატისტებმა საქართველოს მასშტაბით მაინც მოიპოვეს აღიარება, რომლის შესახებაც გურიის კარატე-დოს ფედერაციის პრეზიდენტი მერაბ თურქია გვესაუბრება: _ საქართველოს კარატეს ფედე-რაციის და საბრძოლო ხელოვნებათა კონფედერაციის ეგიდით, 17 იანვარს, თბილისში, სპორტის და ახალგაზრდულ საქმეთა დეპარტამენტში გაიმართა დაჯილდოების ცერემონია, რომელზეც 2010 წლის საუკეთესო სპორტსმენები და საუკეთესო რეგიონი გამოავლინეს. ცერემონიალს პარლამენტის ვიცე-სპიკერი მიხეილ მაჭავარიანი, ვიცე-პრემიერი გიორგი ბარამიძე, რომელიც ამავ-დროულად საქართველოს კარატეს ფედერაციის საპატიო პრეზიდენტია, ასევე სპორტის და ახალგაზრდულ საქმეთა მინისტრი ლადო ვარძელაშვილი, სპორტის დეპარტამენტის თავმჯდომარე დავით ნამგალაური, პარლამენტის სპორტის კომიტეტის თავ-მჯდომარე გიორგი ასანიძე და საქართველოს კარატეს ფედერაციის პრეზიდენტი კახა ბასილია ესწრებოდნენ. საქართველოს მას-შტაბით 5 საუკეთესო სპორტსმენი დასახელდა. მათ შორის _ ლანჩხუთელი თათია თურქია. საუკეთესო რეგიონის წოდებაც ჩვენ მოვიპოვეთ.
ეს ძალიან დიდი აღიარება და კიდევ ერთი დადასტურებაა იმისა, რომ ჩვენს მუშაობას და გარჯას დაფასება აქვს. საქართველო-ში 5 ათასზე მეტი კარატისტია, ჩვენზე დიდი სკოლები და ბაზები აქვთ, მაგრამ პატარა გურიამ ყველას აჯობა და პირველობა არავის დაუთმო. როგორც ვიცი, ადგილობრივი ბიუჯეტიდან ყველა რაიონში საუკეთესო სპორტსმენებს დაუნიშნეს სტიპენდიე-ბი. იმედი მაქვს, ლანჩხუთშიც მოგვაქცევენ ყურადღებას და წარმატებულ სპორტსმენს გარჯას დაუფასებენ.
აღსანიშნავია ის ფაქტი, რომ თათია ევროპის ჩემპიონი, მრავალი საერთაშორისო ტურნირის გამარჯვებული, საქართველოს 2010 წლის ჩემპიონი და საქართველოს ნაკრების წევრია. თებერვალში სერბეთში ევროპის ჩემპიონატი გაიმართება ახალგაზრდებს შორის, რომელშიც თათია მიიღებს მონაწილეობას. მართალია გზის ხარჯები საკმაოდ დიდია, მაგრამ იმედი მაქვს, გამოჩნდები-ან ადამიანები, რომლებიც თათიას სერბეთში გამგზავრებას დააფინანსებენ. რამდენიმე წლის წინ, სწორედ თათიას დამსახურე-ბით აჟღერდა საქართველოს ეროვნული ჰიმნი ევროპის ჩემპიონატზე. ჩემთვის მისი წარმატება მოულოდნელი ნამდვილად არ ყოფილა, მაგრამ მაშინ როდესაც გამოცხადდა, რომ გურია საქართველოს მასშტაბით საუკეთესო რეგიონია, ძალიან გაკვირვებუ-ლი დავრჩი _ ეს ნამდვილი სიურპრიზი იყო. აღსანიშნავია ის, რომ 2016 წელს კარატე ხდება ოლიმპიური სახეობა. ჩვენ აქედან უნდა მოვემზადოთ და შევქმნათ ბაზა, რათა ჩვენმა სპორტსმენებმა ოლიმპიადაზე წარმატებით იასპარეზონ. ძალიან კარგი მომა-ვალი თაობა მოდის და გვერდში დგომა სჭირდება. ბოლოს მინდა გითხრათ, რომ დაჯილდოების ცერემონია თითქმის ყველა სა-ტელევიზიო არხმა გააშუქა (“იმედი”, “რუსთავი”, “მაესტრო”) და მთელმა საქართველომ იხილა, რომ ჩვენი რეგიონი ძალიან ძლიერია, _ დასძინა თურქიამ.
მაშინ, როცა წლის გამორჩეულ ადამიანებს ასახელებ და ამისთვის არანაირ ღია გამოკითხავს არ ატარებ, საკმაოდ რისკიან ნა-ბიჯზე მიდიხარ _ შესაძლოა, შედეგები ბევრისთვის არასასურველი იყოს და ბევრიც გაგინაწყენდეს. წინასაახალწლოდ წლის ლანჩხუთელების გამოვლენა კარგი ტრადიციაა, მაგრამ წელს ისე გამოვიდა, რომ დაჯილდოება ან ვინმეს საამებლად გაკეთდა ან ვინმეს შემოსარიგებლადაც, ზოგსაც “ნაციონალებთან” “ჩახუტების” დიდი სურვილი აქვს. ჩვენ არ უარვყოფთ, რომ თუმცა უმე-ტესობამ ალალად მიიღო წლის ლანჩხუთელის ჯილდო, თუმცა, ჩვენი კარატისტები და მათი ლიდერი თათია თურქია დაგვეჩაგრნენ.
