თუმცა, აქაურებმა მათი მოგერიება შეძლეს. ერთი მტაცებელი ღრმად მოხუცებულ, მარტოხელა ლიანა გუჯაბიძეს საკუთარ საცხოვრებელში შეუვარდა. ქალბატონი ლიანა სახლიდან ეზოში გამოდიოდა, როდესაც მგელმა კბილი ჩაავლო. თავგანწირული კივილის ხმაზე, იქვე ახლოს, სტუმრად მყოფი ქალბატონი მსხვერპლთან მივარდა და ხელი სტაცა.
როგორც ლიანა გუჯაბიძე იხსენებს, მგელი იქეთ, ხოლო სტუმარი აქეთ _ ღია კარებისკენ “ეწიწებოდა”. საბოლოოდ, მშველელმა ქალბატონმა მეზობელი მტაცებელს პირიდან გამოსტაცა და სახლში შეიყვანა. ლიანა გუჯაბიძეს სასწრაფო სამედიცინო სამსახურის ბრიგადამ პირველადი დახმარება აღმოუჩინა.
როგორც დაშავებული ჰყვება, ხმაურზე შეიარაღებული მამაკაცებიც მოვიდნენ, თუმცა, მათ მგლის მოკვლა იმ მომენტში ვერ მოახერხეს. ცოტა ხნის შემდეგ, მგელი ისევ დაესხა თავს გუჯაბიძის საცხოვრებელს და მამაკაცებმაც მისი ლიკვიდაცია მოახერხეს.
როგორც “გურია ნიუსს” ჯიხანჯირში უთხრეს, მამაკაცები თოფის გარეშე, განსაკუთრებით საღამოს საათებში, ქუჩაში არ გადიან. მათ შესაბამისი სამსახურებიდან ნებართვაც აქვთ მიღებული, რომ ასეთ დროს მგლის ლიკვიდაცია მოახდინონ.
_ ასე თოფით მიწევს სიარული, კარგადაც ვისვრი. აბა რა ვქნა, სხვა გზა არ მაქვს, მგელს, ხომ არ შევაჭმევინებ თავს?! _ გვითხრა მარინა გურგენაძემ, რომელიც მეუღლესთან ერთად, სოფელში თოფით დადის.
