(გურია ნიუსი, ლანჩხუთი) _ ლანჩხუთის კულტურული მემკვიდრეობის დაცვის ცენტრის ორგანიზებით, თემურ ფირცხალაიშვილის ხსოვნის საღამო გაიმართა _ 20 ივლისს ლანჩხუთელი პოეტი 50 წლის გახდებოდა. თემურის სახლში შეიკრიბნენ ადგილობრივი ხელისუფლების წარმომადგენლები, პოეტის მეგობრები და ახლობლები. მათ გაიხსენეს თემურ ფირცხალაიშვილი და მისი შემოქმედება. ფირცხალაიშვილის სახლში მუზეუმი ოფიციალურად გაიხსნა.
