(ინტერპრესნიუსი) _ ცენტრალური საარჩევნო კომისიის წევრებმა დასავლეთ საქართველოს რეგიონების (იმერეთი, სამეგრელო, გურია, აჭარა) მედიის წარმომადგენლებთან შეხვედრები გამართეს და მათ 2011-2015 წლის საარჩევნო ადმინისტრაციის სტრატეგიული გეგმის პროექტი გააცნეს.
შეხვედრების მონაწილეებმა სტრატეგიული გეგმა მედიასთან თანამშრომლობის კუთხითაც განიხილეს; ისაუბრეს რეგიონებში ამომრჩეველთა სათანადოდ ინფორმირების საშუალებებზე, სიების ფორმირებასა და არჩევნებთან დაკავშირებულ სხვა მნიშვნელოვან საკითხებზე.
როგორც კომისიის წარმომადგენლებმა აღნიშნეს, საარჩევნო ადმინისტრაციასა და მედია საშუალებებს შორის ინფორმაციის მუდმივად გაცვლა ხელს შეუწყობს ამომრჩეველთა ინფორმირებას საარჩევნო საკითხებზე.
მათივე თქმით, ცენტრალური საარჩევნო კომისიის მიზანია, მჭიდრო და პერმანენტული ურთიერთობები დაამყაროს რეგიონული მედიის წარმომადგენელებთან.
მსგავსი ტიპის შეხვედრებს ცესკო საქართველოს სხვა რეგიონებშიც გეგმავს.
