ქალაქ ოზურგეთში, სიკო დოლიძის ქუჩაზე არსებული პრობლემების შესახებ “გურია ნიუსი” ხშირად წერს. მიუხედავად ხელისუფლების დაპირებისა, ვერ მოხერხდა გზის და დასაწრეტი არხის მოწესრიგება, მხოლოდ ერთ მონაკვეთზე დაიგო ასფალტის საფარი, სადაც უმეტეს წილად პოლიციის თანამშრომლების ავტომანქანები დგას.
ეს ფოტო ორიოდე დღის წინ არის გადაღებული _ სიკო დოლიძის ქუჩის მცხოვრებთა დიდი ნაწილი ამ გუბის გაუვლელად სახლში ვერ მოხვდებოდა.
_ რამდენიმე დღის წინ, გაზეთში წავიკითხეთ, რომ, თურმე, ჭავჭავაძის ქუჩა პატარა შარდენი გახდება. გვაინტერესებს, ასე აპირებენ ამ ქუჩის შარდენად გადაქცევას?! ხშირად მივმართავთ ხელისუფლების წარმომადგენლებს, მაგრამ არანაირი დახმარება _ მხოლოდ ლაპარაკი და დაპირებაა საქმის ნაცვლად, _ ამბობს მოსახლეობა.
