რესპუბლიკურ პარტიაზე განსხვავებული აზრები ტრიალებს თბილისში, რასაც მე ნაწილობრივ ვეთანხმები. მაგრამ მაინც, ორი სიტყვით, მის პარტიას დავახასიათებ, ეს არის პრინციპული ხალხისგან შემდგარი პარტია. შესაძლებელია, რაღაც ეტაპებზე და რაღაც დროს, მათი პრინციპული პოზიციის გამო, გარკვეული მიუღებლობა ხდებოდა თბილისსა და საზოგადოების ნაწილში, მაგრამ მე გარწმუნებთ რომ…
შესაძლებელია, მათ ეშლებოდათ, მაგრამ ისინი არასდროს ცრუობდნენ. მე ადამიანების ამ თვისებას ძალიან დიდი პატივს ვცემ და ასეთები არიან ძირითადად “რესპუბლიკელები”. შეუცდომელი არავინ არის, ვინც საქმეს აკეთებს. მათ არ უღალატნიათ ქვეყნისთვის არასდროს და არასდროს სიცრუეზე არ აუგიათ თავისი პოლიტიკა…
გასაგებია, მე არ დავმალავ, მეც შემიძლია გავაკრიტიკო და გამიკრიტიკებია კიდეც გუნდის შიგნით რაღაც ეტაპზე და რაღაც დროს, შეიძლება, მათი პოზიცია არ იყო მთლად გასაგები საზოგადოების ნაწილისთვის, მაგრამ ჩემთვის აბსოლუტურად მისაღებია ის, რომ შეცდომებს შეიძლება გადაუსვათ ხაზი, რამდენადაც ისინი იყვნენ გულრწფელნი ყოველთვის და მათ მიაჩნდათ, რომ ასე იყო საჭირო. თუმცა, მე ვფიქრობ ერთ გუნდად ჩამოყალიბების პროცესში, გარკვეული კორექტივები შეიტანეს თავის პოზიციებში.
თუ წარსულზე ვიღაცას კითხვები ჰქონდა, ეს იყო ყოველთვის მათი გულწრფელი და გულითადი პოზიცია და არა ღალატი და არაფერი მსგავსი. თუმცა, ასეთი არაფერი გაუკეთებიათ, ცუდი სიტყვები ვიხმარე – ღალატი. ჰქონდათ პოზიციები, რომელსაც საქართველოს მოსახლეობის ნაწილი არ იზიარებდა და დღესაც კრიტიკულად უყურებენ. მათ თვითონ რევიზია გაუკეთეს იმ ნაწილს, შესაძლებელია და გადაახალისეს. მაგრამ, დიდად დასაფასებელია ის, რომ ისინი ყოველთვის ზრუნავდნენ ქართული სახელმწიფოს მშენებლობისთვის. ამავდროულად, სამშობლო მათ უყვართ ისე, როგორ ყველა ქართველს,” _ ასე დაახასიათა ივანიშვილმა “რესპუბლიკური პარტია” უსუფაშვილის მეთაურობით.”
“გურია ნიუსი” წარდგენის შემდეგ, დავით უსუფაშვილთან რანდენიმე საკითხის გარკვევას შეეცადა.
_ ბატონო დავით, საბურთალოს რაიონში “ქართულმა დასმა” ჯონდი ბაღათურია წარადგინა. ამ შემთხვევაში ორი ოპოზიციური პარტიების წარმომადგენლები იყრით კენჭა საბურთალოს რაიონში. ამით მმართველი გუნდი ხომ არ ისარგებლებს _ ოპოზიციის ხმების გაყოფით?
_ მე ვიქნები კოალიცია “ქართული ოცნების” მაჟორიტარი კანდიდატი საბურთალოზე. დარწმუნებული ვარ, “ქართულ ოცნებასაც” და მე საბურთალოზე გვექნება ის მხარდაჭერა რაც აუცილებელია გამარჯვებისთვის. ბრძოლა იქნება რთული, რა თქმა უნდა. ჩვენ მზად ვართ ამისთვის. კოალიცია და მეც პირადად. რა თქმა უნდა, გვაქვს საბურთალოს მცხოვრებლების იმედი.
რაც შეეხება კონკურენტებს, ვისურვებდი, რაც შეიძლება მეტ სერიოზულ კონკურენტს. ბრძოლა უნდა იყოს სერიოზული. ხალხს ჰქონდეს უკეთესი არჩევანის საშუალება.
_ ე.ი. ჯონდი ბაღათურიას კონკურენტად არ მოიაზრებთ?
_ ყველა, ვინც იქნება ოლქში ჩემს გარდა, იქნება კონკურენტი. მე მზად ვარ, სამართლიანი, სერიოზული საინტერესო კონკურენციისთვის.
