წინასაარჩევნო შეღავათები და “თეთრი სია” ხელისუფლების ფავორიტი კომპანიებისთვის

ტენდერებში “გამარჯვებამ” და ფინანსურმა გაძლიერებამ, მათ “კვალიფიციური მიმწოდებლის” სტატუსი მოუტანა. თეთრ სიაში მოხვედრით, ეს კომპანიები უკვე “კანონიერად” ისარგებლებენ განსაკუთრებული შეღავათებითა და უპირატესობებით. შესყიდვების სააგენტო საკანონმდებლო ცვლილებას კონკურენტული გარემოს ხელშეწყობით ხსნის. აღსანიშნავია, რომ თეთრ სიაში შეყვანა 1 წლის ვადით ხორციელდება.

“გურია ნიუსი” დაინტერესდა, აქვს თუ არა “თეთრ სიას” ანალოგი სხვა ქვეყნებში. სააგენტოსგან მოწოდებული ინფორმაციით, კვალიფიციურ მიმწოდებელთა სიის წარმოება ევროკავშირის კანონმდებლობითაა გათვალისწინებული.

“ზოგიერთ შემთხვევაში, ევროკავშირის წვერ ქვეყნებში შემსყიდველ ორგანიზაციებს შეუძლიათ გარკვეულ ტენდერებში მხოლოდ კვალიფიციურ მიმწოდებელთა მოწვევა, “-აცხადებს “გურია ნიუსთან” საუბარში სააგენტოს პრესსამსახურის უფროსი ეკა გაბადაძე.

აქედან გამომდინარე, სავარაუდოა, რომ ევროკავშირის გამოცდილების გაზიარებით, მრავალმილიონიან ტენდერებში მონაწილეობის უფლება ექსკლუზიურად მიეცემა “დაგს,” “ალიანსსა” და “არტესს” შესაბამისად, მოკლე დროში, მათგან სამშენებლო მონოპოლისტების ჩამოყალიბებას უნდა ველოდეთ.

“თეთრ სიაში” მოხვედრილი სამივე სამშნებლო კომპანიის აღორძინება ვარდების რევოლუციის შემდგომ პერიოდს უკავშირდება. ისინი სახელმწიფო ტენდერების უპირობო გამარჯვებულები არიან.

შპს “დაგი” დაარსდა 2004 წელს, თანამშრომელთა რაოდენობა დაახლოებით 1500, მიღებული აქვს ISO სერთიფიკატი. დირექტორი-მიხეილ შარანგია.

“დაგის” მიერ 2004-2012 წლებში შესრულებული პროექტების ნუსხა:

ქუთაისის ოპერისა და ბალეტის თეატრი, სამუშაოთა მოცულობა _ 4 200 000 ლარი; სასტუმრო ანაკლია _ 5 900 000ლარი; სათაფლიის სახელმწიფო ნაკრძალის ინფრასტრუქტურის მშენებლობა _ 6 700 000 ლარი; დაბა მესტიის რეაბილტაცია 14 000 000 ლარი; ქუთაისის ცენტრალური სტადიონი 2 900 000 ლარი;

გარდა ამისა შპს დაგს შესრულებული აქვს შემდეგი პროექტები : საფეხბურთო კლუბ თბილისის “დინამოს “ბაზა; პოლიციის შენობის მშენებლობა წყალწითელაში; პოლიციის შენობის მშენებლობა ცაგერში; სასამართლოს და სოციალური მომსახურების სააგენტოს მშენებლობა მესტიაში; სასტუმროს მშენებლობა ბაკურიანში; ეროვნული უშიშროების საბჭოს ოფისისი რემონტი; გორის დილას სტადიონის მშენებლობა; ფეხბურთის ფედერაციის ოფისის რემონტი; მესტიის პოლიციის შენობის რემონტი; საქართველოს მთავარი პროკურატურის მისაღების მშენებლობა-რემონტი.

შპს “დაგი” “ერთიანი ნაციონალური მოძრაობის” საარჩევნო ფონდის შემომწირველთა ნუსხაშიც ფიგურირებს მაგალითად, 2008 წლის 14 მარტს, საპარლამენტო არჩევნებამდე ორი თვით ადრე, კომპანიამ “ნაციონალურ მოძრაობას” 20 000 ლარი შესწირა; 2007 წლის 21 დეკემბერს კი, საპრეზიდენტო არჩევნების წინ კომპანიას 2-ჯერ მეტი თანხის გაღება მოუხდა და 40 000 ლარით შეეწია პარტიას

შპს “არტესი“– დირექტორი ამირან ბუხნიკაშვილი

კომპანიის მიმდინარე პროექტებია: ქუთაისის ცენტრალური მოედნის რეაბილიტაცია (აღსანიშნავია რომ “არტესმა” ქუთაისის ცენტრალური მოედნის რეაბილიტაციის განხორციელება ტენდერის დასრულებამდე დაიწყო, ამასთან დაკავშირებით წერდა მედიაც,); ბორჯომში 9 აპრილის ქუჩის რაბილიტაცია; ახალციხეში რაბათის ისტორიული ძაგლის რეაბილიტაცია; თბილისში მარჯანიშვილის ქუჩის რეაბილიტაცია; თბილისში კალაუბნის რეაბილიტაცია; თბილისში ზაარბრუკენის მოედნის რეაბილიტაცია; მცხეთა-მუნიციპალიტეტისა და სამხარეო ადმინისტრაციის შენობის რეაბილიტაცია.

“არტესს” ამ დროისთვის, დასრულებული აქვს 50 პროექტი. მათ შორის:

ახალციხეში “ახალციხის ციხის რეაბილიტაცია” ჟვანიას სახელობის პედიატრიული კლინიკის რეაბილიტაცია; ცენტრალური რკინიგზის საავადმყოფოს რეაბილიტაცია

ბორჯომის ცენტრალური პარკის რებილიტაცია მცხეთის ისტორიული უბნების რეაბილიტაცია; აღმაშენებლის გამზირის რებილიტაცია; სიღნაღის რეაბილიტაცია ეწ. “ბებრების ბაღი”; ბორჯომის ბალნეოლოგიური სანატორიუმის რეაბილიტაცია;

ამას გარდა,საქართველოს მთავრობის განკარგულებების საფუძველზე, საქართველოს კულტურის, ძეგლთა დაცვისა და სპორტის სამინისტროს, საქართველოს მთავრობის სარეზერვო ფონდიდან 2009-2010 წლებში გამოეყო 3 850 000 ლარი, რაც თბილისში ქაქუცა ჩოლოყაშვილის ქუჩაზე მდებარე საცურაო კომპლექს “ოლიმპიკის” სრული სამშენებლო-სარეაბილიტაციო სამუშაოების ჩატარებაზე დაიხარჯა. სამშენებლო სამუშაოები “არტესმა”განახორციელა .

შპს “ალიანსი“, დირექტორი თეიმურაზ კანკავა

შესრულებული სამუშაოების არასრული ჩამონათვალი:

თაბუკაშვილის 44 და 42 ავარიული შენობის დაშლა-აღდგენა-100 000 ლარი; საქართველოს ეროვნული ბანკის 8 ობიექტის რეკონსტრუქცია -დაშლა, შესრულებულ სამუშაოთა ღირებულება -506 ათასი ლარი; 2006 წელს “ალიანსმა” ეროვნული ბანკის 12 დაკვეთა შეასრულა. სამუშაოთა ღირებულება 356200 ლარი; გურჯაანის ღვინის ქარხანა – რეაბილიტაციის ღირებულება 1 550 691 ლარი; განათლებისა და მეცნიერების სამინისტროს დაკვეთით გლდანი-ნაძალედევისა და ისანი-სამგორის რაიონების საჯარო სკოლების რეაბილიტაცია.

ასევე პარლამენტისა და სახელმწიფო კანცელარიების რეაბილიტაცია-რემონტი სულ 2 802 742.33 ლარის სამუშაოები

2011 წელს “ალიანსის” ობიექტების ნუსხა ორმაგდება. უკვე 22 ობიექტზე შესასრულებელი სამუშაოების ღირებულება 8 653 335.81 ლარია

2012 წელს 6 თვის განმავლობაში კომპანიას შესასრულებელი აქვს 5 ობიექტზე 7 379 296.74 ლარის ღირებულების სამუშაოები

შპს “ალიანსის“ მიერ 2004-2012 წლებში შესრულებულ სამუშაოთა საერთო ღირებულება 35 258 120.88 ლარია.

ქართული ბიზნესის “თეთრი” კავალერები: შპს “დაგი”, შპს “არტესი” და შპს “ალიანსი” სავარაუდოდ, “ნაციონალური მოძრაობის” წინასაარჩვენო კამპანიას რაიმე ფორმით კვლავ შეეწევიან.

“გურია ნიუსი” დაინტერესდა, რა შეღავათებით ისარგებლებს თეთრ სიაში მოხვედრილი კომპანია:

“თეთრ სიაში დარეგისტრირებული მიმწოდებელი სარგებლობს უპირატესობით, რომ თავისუფლდება ტენდერში მონაწილეობისას საკვალიფიკაციო მონაცემების დამადასტურებელი დოკუმენტების წარდგენისაგან,” _ აცხადებენ შესყიდვების სახელმწიფო სააგენტოში “გურია ნიუსთან” საუბრისას.

გარდა ამ შეღავათისა, “თეთრ სიაში” დარეგისტრირებული კომპანია სარგებლობს შემდეგი შეღავათებით:

“თეთრ სიაში” ხელშეკრულების შესრულების გარანტია დარეგისტრირებული მიმწოდებლისაგან შეიძლება მოთხოვნილ იქნეს ხელშეკრულების ღირებულების 1%-დან 5%-მდე ოდენობით;

“თეთრ სიაში” დარეგისტრირებული მიმწოდებელი თავისუფლდება გამარტივებულ ელექტრონულ ტენდერში საკვალიფიკაციო მონაცემების დამადასტურებელი დოკუმენტების წარდგენის ვალდებულებისაგან, იმის მიუხედავად, ითვალისწინებს თუ არა სატენდერო დოკუმენტაცია საკვალიფიკაციო მონაცემების დამადასტურებელი დოკუმენტების წარმოდგენის მოთხოვნას;

“თეთრ სიაში” დარეგისტრირებული მიმწოდებელი წინასწარი ანგარიშსწორების შემთხვევაში, ვალდებულია წარუდგინოს შემსყიდველ ორგანიზაციას წინასწარ გადასახდელი თანხის ნახევრისოდენობის გარანტია ხელშეკრულებით გათვალისწინებული პირობებით

“თეთრ სიაში“ შესაყვანი კომპანია რამდენიმე კრიტერიუმს უნდა აკმაყოფილებდეს:

ა) “თეთრ სიაში” რეგისტრაციის მოთხოვნის დღისათვის კომპანია უკანასკნელი 3 წლის განმავლობაში არ ყოფილა რეგისტრირებული შავ სიაში; მის მიმართ დაწყებული არ ყოფილა ან არ მიმდინარეობდა გადახდისუუნარობის საქმის წარმოება;

ბ ) კომპანიას აქვს “თეთრ სიაში” რეგისტრაციის მოთხოვნის დღისათვის არანაკლებ 3 დადებითი რეკომენდაცია შემსყიდველი ორგანიზაციისაგან უკანასკნელი 3 წლის განმავლობაში ხელშეკრულებით ნაკისრი ვალდებულებების შესრულების შესახებ. ამასთან, თითოეული ასეთი ხელშეკრულების ღირებულება უნდა იყოს არანაკლებ 300 000 ლარი;

გ) კომპანიის ( წარმომადგენლობაზე/ხელმძღვანელობაზე უფლებამოსილი ყველა პირისა და სამეთვალყურეო საბჭოს წევრების) მიმართ არ მიმდინარეობს სისხლისსამართლებრივი დევნა და იგი ნასამართლევი არ არის (ნასამართლობა მოხსნილი ან გაქარწყლებული აქვს) საქართველოს სისხლის სამართლის კოდექსის 180-ე–182-ე მუხლებით,

დ) კომპანიას “თეთრ სიაში” რეგისტრაციის მოთხოვნის დღისათვის, უკანასკნელი 3 წლის განმავლობაში აქვს არანაკლებ 15 000 000 ლარის საერთო ბრუნვა;

“გურია ნიუსი” დაინტერესდა, რა კრიტერიუმით შეიყვანეს “დაგი,” “ალიანსი” და “არტესი” თეთრ სიაში. შესყიდვების სააგენტოს განმარტებით, ეს კომპანიები აკმაყოფილებენ კანონით დადგენილ ყველა მოთხოვნას.