თავის მხრივ, ნიკოლაიშვილმა პატრიარქს მფარველი ანგელოზის დღე მიულოცა.
დღესვე, ილია მეორემ წმინდა ილია წინასწარმეტყველის ხსენების დღესთან დაკავშირებით, სამების საკათედრო ტაძარში წმინდა სინოდის წევრებთან ერთად წირვა აღავლინა.
“გურია ნიუსი” რამაზ ნიკოლაიშვილს დეტალების გასარკვევად დაუკავშირდა.
_ ბატონო რამაზ, გილოცავთ , როგორც გავიგეთ უწმინდესმა და უნეტარესმა ილია მეორემ ერისა და ეკლესიის წინაშე განსაკუთრებული ღვაწლისთვის სიგელით დაგაჯილდოვათ. . .
_ დიდი მადლობა
_ კონკრეტულად რა მიღწევებისთვის და საქმეებისთვის დაგაჯილდოვა ილია მეორემ?
_ რას მეუბნებით ეხლა, მერე რაღაცას გეტყვით და გწყინთ, პატრიარქმა ილიაობაზე გააკეთა განცხადება, თქვენ გინდათ პატრიარქის განცხადებას კომენტარი გავუკეთო? რატომ დამაჯილდოვა, მაგას მეკითხებით? თუ კარგად მოუსმენთ, მან განმარტა, რატომ გადაწყვიტა ჩემი დაჯილდოვება. ფეისბუკზე დევს და ნახეთ. ეს ძალიან გულისამაჩუყებელი და ჩემთვის ძალიან სასიამოვნო იყო და ერთიორად მომცა ენერგია, ზედმეტად რა. ამის შემდეგ, თქვენ მეკითხებით, რატომ დამაჯილდოვა? რა ვიცი აბა, სწორი კითხვა არის?
_ ბატონო რამაზ რატომ არ არის სწორი კითხვა? ჩვენც გავინტერესებს რა საქმეებისთვის დაგაჯილდოვეს.
_მე მეკითხებით რატომ დამაჯილდოვა პატრიარქმა, ჟანა? შენ სად სწავლობდი? რომელი სასწავლებელი გაქვს დამთავრებული ჟურნალისტიკის? სად ისწავლე? რა კითხვას მისვამთ, ვერ გავიგე.
მე დამაჯილდოვეს და განმარტება გააკეთა პატრიარქმა, ეს გადაწყვეტილება მან მიიღო, მე არ მაქვს უფლება პატრიარქის სიტყვების კომენტარი გავუკეთო, არ გავაკეთებ. მე ვარ მადლიერი ჩემი ქვეყნის, პატრიარქის, რომელმაც ჩემი შრომა დაინახა, რომ მე გულწრფელად ვშრომობ ჩემი ქვეყნისთვის, რომელიც უზომოდ მიყვარს. ილიაობას, ამ მნიშვნელოვან დღეს მიიღო ეს გადაწყვეტილება და ძალიან მიხარია. მე მეგონა, რომ დამირეკე, მომილოცე და შენ არკვევ რატომ და რისთვის, რა გავაკეთე? ვერ გავიგე რა, ბოდიში რა! ვერ გავიგე, რას მეკითხები, რატომ დამაჯილდოვა? რა სასაცილოა?
_ ბატონო რამაზ, ჩვენ ხომ არ ვესწრებოდით, პატრიარქმა რა განმარტებები გააკეთა,
_ მაშინ შედით ფეიბუკზე და ნახეთ. ტყუილუბრალოდ ხომ იცით, რომ პატრიარქი არაფერს არ აკეთებს და ამბობს. რადგან გადაწყვიტა, ესე იგი ეგრე იყო. მე მადლიერი ვარ ყველაფრის. ეს ძალიან მნიშვნელოვანია გურიისთვისაც, იმიტომ, რომ თუ რაიმეს ვაკეთებ, გურიისთვისაც ვაკეთებ. ქადაგების დროს განმარტა ყველაფერი.
_ ჩვენ ხომ არ ვესწრებოდით ქადაგებას? გურიაში რომელიმე ეკლესია-მონასტრის მშენებლობა – აღდგენაში რაიმე მონაწილეობა მიგიღიათ?
_ ეგ უნდა კითხოთ მეუფე იოსებს, ან მის სამდივნოს და გეტყვიან.
_ მეუფე იოსები ესწრებოდა თქვენს დაჯილდოვებას?
_ კი, ესწრებოდა და ამასთან მთელი სინოდი იყო.
_ გილოცავთ, ბატონო რამაზ … კიდევ მრავალი ჯილდო მიგეღოთ.
_ დიდი მადლობა. თუ გულწრფელად მილოცავთ, ძალიან მიხარია. თუ იმიტომ მილოცავთ, რომ სამსახურეობრივ მოვალეობას ასრულებთ, ეს არ არის კარგი.
_ ბატონო რამაზ, ჩვენ მილოცვა მხოლოდ გულრწფელი ვიცით.
_დიდი მადლობა, მეც გილოცავთ დღევანდელ დღეს და წარმატებებს გისურვებთ.
