„საზოგადოების მაღალი ინტერესიდან გამომდინარე, გვსურს მოგაწოდოთ ახალი ინფორმაცია ლოპოტას ხეობაში ჩატარებული სპეცოპერაციის შედეგად ლიკვიდირებულ პირთა ვინაობის შესახებ. ცხედრების ექსპერტიზის, დათვალიერებისა და ჩატარებული საგამოძიებო მოქმედებების შედეგად, შესაძლებელი გახდა 11 ლიკვიდირებული პირიდან 7 ცხედრის ვინაობის დაზუსტება.
იდენტიფიცირებული 7 ცხედრიდან 2 არის საქართველოს მოქალაქე.
ასლან მარგოშვილი- დაბადების თარიღი: 28/06/1990
ბაჰაუდინ ქავთარაშვილი- დაბადების თარიღი 07/02/1986
5 ცხედარი არის რუსეთის ფედერაციის მოქალაქე ჩრდილოეთ კავკასიიდან, აქედან ერთ-ერთი ბაჰაუდინ ბაღაკაშვილი არის დაბადებული გროზნოში 1986 წლის 10 თებერვალს და მას ნათესავები ჰყავს პანკისის ხეობაში.
დანარჩენი იდენტიფიცირებული რუსეთის ფედერაციის მოქალაქეები არიან:
დუკვახა დოშუევი- დაბადების თარიღი:19/01/1968 დაბადების ადგილი: ჩეჩნეთი, ქ. ვეგენო
სალამ ზაურბეკოვი-დაბადების თარიღი: 14/12/1991 დაბადების ადგილი: ჩეჩნეთი, ქ.გროზნო
ხაშიევ ჯაბრაილი- დაბადების თარიღი: 24/01/1989 დაბადების ადგილი: ინგუშეთი
მუსა ადუევი-დაბადების თარიღი: 28/03/1981 დაბადების ადგილი: ქ. გროზნო“-ნათქვამია შინაგან საქმეთა სამინისტროს მიერ გავრცელებულ ინფორმაციაში.
დღევანდლამდე შინაგან საქმეთა სამინისტრო კატეგორიულად აცხადებდა, რომ დაღუპულთა შორის შინაგან და თავდაცვის თანამშრომელთა გარდა საქართველოს სხვა მოქალაქეები არ იყვნენ.
