სამხედრო მოსამსახურეების ბინებით უზრუნველყოფა საქართველოს თავდაცვის სამინისტროს ახალი 3T კონცეფციის ერთ-ერთი კომპონენტის – ტოტალური ზრუნვის ფარგლებში განხორციელდა..ბედნიერი სამხედროები, რომლებიც ამ ბინებში ოჯახებთან ერთად კომფორტულ ცხოვრებას გეგმავდნენ , ტელევიზიით მთელმა ქვეყანამ იხილა . ამის შემდეგ ლოტოტრონი გათამაშდა და ბინები კორპუსებისა და სართულების მიხედვით განაწილდა.
დღეს , ნაჩუქარი ბინების სანახავად მისული სამხედროები შენობას უკომენტაროდ ტოვებენ.ისინი საკუთარ უკმაყოფილებას მხოლოს აქა -იქ შემორჩენილ მუშებთან აფიქსირებენ. მათ ადრევე იცოდნენ, რომ სახელმწიფოსგან ნაჩუქარი ბინა ოროთახიანი იყო, მაგრამ არ ელოდნენ რომ მათი საცხოვრებელი აივნის და კედლების სისქის ჩათვლით სულ რაღაც 42 კვ.მ იქნებოდა. მათთვის ასევე სიურპრიზი იყო იმის აღმოჩენაც რომ ერთ სართულზე ვიწრო კორიდორში 27 ოჯახი იცხოვრებდა.უკვე ბინაში შესულებმა კი აღმოაჩინეს, რომ პროექტის ავტორს სამზარეულო საერთოდ დავიწყებია.
”ეს არის ბინა?სასტუმროს ნომერია თუ ბინა, სამზარეულო სად არის,აქ ოჯახმა როგორ უნდა იცხოვროს?-ეს სამხედრო მოსამსახურეების პირველი შთაბეჭდილებებია.ისინი მედიასთან კომენტარს არ აკეთებენ და პრეტენზიას მხოლოდ მუშებთან გამოთქვამენ.
”ბინა რა ,ჩემო დაო.ხო ხედავ საერთო საცხოვრებელია . ეხლა ერთ სართულზე,საერთო დერეფანში რომ 27 ოჯახი იცხოვრებს და 27 ბავშის ტირილს მოისმენ, გიჟი უნდა იყო აქ გაჩერდე”-გვეუბნება ერთ-ერთი მუშა და ლესვას მშვიდად აგრძელებს.
”ყოველდღე მოდიან ბინების სანახავად, პირველი სართულის ბინებს რომ ნახულობენ, არ მოსწონთ, იმედი აქვთ რომ მეექვსე სართულზე მათი ბინა არც ასეთი პატარა იქნება და არც ასეთი კეთილმოუწყობელი. ვეუბნები ,ნუ წვალობთ ტყუილად, ნუ ადიხართ ზემოთ, ყველა ერთნაირია-მეთქი-მეთქი მაგრამ არ მიჯერებენ. მერე ყველა გულდაწყვეტილი ბრუნდება უკან”- გვეუბნება მშენებელი და თან ბინის მეპატრონეების დამშვიდებას ცდილობს:”ნაჩუქარია, ხომ არ გიყიდიათ, ესეც რომ მოგცეს, არ გიკვირთ?”
სამხედრო მოსამსახურე რომელიც საკუთარ ვინაობას არ ასახელებს, გვეუბნება, რომ ბინის დასრულებისთვის მას მინიმუმ 5 ათასი ლარი სჭირდება.
”ვიცოდი რომ ბინა ურემონტო იქნებოდა., ვფიქრობდი, ავღანეთში წავალ და იმ ფულით გავარემონტებ-მეთქი, ქირით ვცხოვრობ და რა თქმა უნდა ,საკუთარ ბინაზე ვოცნებობდი. ეხლა ვნახე, რომ სართულზე 27 ოჯახს მოგვიწევს ერთად ცხოვრება, ბინაც ისეთი პატარაა, ოჯახისთვის არ გამოდგება. არც სამზარეულო აქვს.3 შვილი მყავს, ამ პატარა ოთახში ყველას საწოლი არ დაიდგმება.ბინა ყველასთვის სტანდარტული აშენდა, არ გაითვალისწინეს არც სულადობა, არც სხვა გარემოებები.იქნებ გაყიდვის უფლება მოგვცენ, იმ ფულით ბინას დავიგირავებ და ქირას აღარ გადავიხდი”-აცხადებს სამხედრო მოსამსახურე გურია ნიუსთან საუბარში.
2009 წლის 7დეკემბერს როდესაც მინისტრმა ბაჩო ახლაიამ აგვისტოს ომში დაღუპულთა ოჯახებს სამხედრო ქალაქში ბინები გადასცა , განაცხადა, რომ ოროთახიანი ბინა აღჭურვილი იყო სველი წერტილებით – სამზარეულო – სააბაზანოთი, იყო კეთილმოწყობილი აუცილებელი ინევნტარით, მათ შორის გამათბობლითა და გაზქურით.
ეს ყველაფერი ბლეფი აღმოჩნდა,რადგან ბინებს არათუ გაზქურა, გაზქურის დასადგმელი ადგილიც კი არ გააჩნია.
ამ დროისათვის ბინები ჯერჯერობით არც საჯარო რეესტრში დარეგისტრირებულა. ამბობენ, რომ პროცესი, ბინის მიმღებთა შორის არასათანადო ადამიანების აღმოჩენამ შეაფერხა. სიაში ისეთი ადამიანებიც ჩაწერეს, ვისაც სახელმწიფოსგან ამ ეტაპზე საჩუქარი არ ეკუთვნოდაო-გვეუბნება ერთ-ერთი სამხედრო.
აღსანიშნავია,სამხედრო მოსამსახურეების გარდა კორპორატიული ბინები პოლიციის თანამშრომლებსაც გადაეცათ. სამხედრო ქალაქისგან განსხვავბით, რომლეიც ქალაქის განაპირას აშენდა, პოლიციის ქალაქ”ლაზიკისთვის ადგილი მეტროსთან ახლოს შეირჩა.პოლიცილებს ვანო მერაბიშვილმა სამოთახიანი ბინები აჩუქა.
კორპორატიული ბინების აშენებას გეგმავენ მოსამართლეებისთვისაც. პროექტის მიხედვით მათი ბინებიც სამხედროების მსგავსად ოროტახიანია, მაგრამ არა 42 არამედ დაახლოებით 67 კვ.მ.
გარდა ამისა, სახელმწიფოს გადაწყვეტილი ჰქონდა მოსამართლეებისთვის სრული კომფორტი შეექმნა და ბინებში გამათბობელი, გამწოვი და სხვა სიკეთეები დაემონტაჟებინა.
ერთი შეხედვით ეს უმნიშვნელო განსხვავებები კარგად ასახავს ყოფილი ხელისუფლების პრიორიტეტებს, რომელშიც სამხედრო მოსამსახურეები არასოდეს შედიოდნენ.
