“ამ ადამიანებს აღარ სურთ სააკაშვილი პრეზიდენტად!”

_ ჩვენს მიერ მიღებული გადაწყვეტილება ასეთია:  პრეზიდენტად წოდებული მიხეილ სააკაშვილის წინააღმდეგ ვიწყებთ პერმანენტულ საპროტესტო აქციებს. თუ სააკაშვილი იგნორირებას მოახდენს უკვე არსებულ 850 ათასზე მეტ ხელმოწერაზე, რომელიც მის მიერ თანამდებობიდან წასვლის მოთხოვნის მიზნით გაკეთდა და 20 იანვარს, კანონით გათვალისწინებულ ვადაში, არ დატოვებს პოსტს, შეიქმნება მობილური ჯგუფები თბილისსა და საჭიროვების შემთხვევაში, რეგიონებშიც.  მოქალაქე სააკაშვილს არ მივცემთ ქვეყნის ტერიტორიაზე, საქართველოს პრეზიდენტის რანგში გადაადგილების საშუალებას. შევქმნით ისეთ გარემოებას,, რომ იგი შერცხვენილი იქნება მსოფლიოს თვალში. 20 იანვარს, პრეზიდენტის ადმინისტრაციასთან გაიშლება კარვები და ჩვენ დავიწყებთ პერმანენტულ, საპროტესტო აქციებს.

4 იანვარს, რიგით მეოთხე კონფერენციაზე შევიმუშავეთ 20 იანვარს დაგეგმილი საპროტესტო აქციების სამოქმედო პროგრამა. ჩვენ ავირჩიეთ ოპერატიული ჯუფი, რომლის წევრებიც ყოველდღიურ რეჟიმში, ტელევიზიითა და ინტერნეტის მეშვეობით საზოგადოებას მიაწვდიან ინფორმაციას განხორციელებულ და განსახორციელებელ ქმედებებზე. კონსტიტუციონალისტებთან მუდმივი კონსულტაციების შედეგად, ჩვენ წარვუდგინეთ პრეზიდენტს ხალხის ნების გამომხატველი ულტიმატუმი. პრეზიდენტის საახალწლო მილოცვის შემდეგ, როდესაც თითქოს ის, კეთილგონიერების ჩარჩოებში დაბრუნდა, შობის ღამეს, მან ნიღაბი ჩამოიხსნა და მთელს ერს, შეურაცხმყოფელი გამონათქვამებით მოგვმართა, როცა თვითოეულ ჩვენგანს წარსულის გადმონაშთი გვიწოდა და დაგვემუქრა “წარსულთან პაემნის დასრულებით”. ჩვენ მივმართავთ მასმედიის წარმომადგენლებს, სახელმწიფო და არასამთავრობო

_ ელოდებით თუ არა აქციაზე ხალხს რეგიონებიდან?

_ როგორც უკვე ვთქვი, დღევანდელი მონაცემით, 850 ათასზე მეტი ხელმოწერაა შეგროვილი. გაითვალისწინეთ, ეს ხალხი ამომრჩეველია. ამ ადამიანებს აღარ სურთ სააკაშვილი პრეზიდენტად. ყოველდღიურად, “ერთსულოვნების” სათაო ოფისში, უამრავი ადამიანი მოდის და საკუთარ პროტესტს ხელმოწერით აფიქსირებს. იგივე განწყობაა ქვეყნის რეგიონებშიც. მეტსაც გეტყვით, 4 იანვარს, ჩვენს მიერ ორგანიზებული სასიგნალო აქცია, რომელიც გაიმართა მიხეილ სააკაშვილის რეზიდენციასთან, პარალელურ რეჟიმში ჩატარდა საქართველოს ყველა დიდი ქალაქის ადმინისტრაციულ შენობებთან. მსგავსი პრეცენდენტი ჩვენი ქვეყნის ისტორიას არ ახსოვს. ეს იყო დიდი ერთსულოვნება.

_ თქვენი აზრით, გადადგება მიხეილ სააკაშვილი?

_ როცა ამომრჩევლის 90%-ს, როგორც პრეზიდენტი აღარ მოსწონხარ, ვადის ამოწურვის შემდეგ უნდა წახვიდე. ჩვენ ხომ არ ვითხოვთ, მას შეუწყდეს საპრეზიდენტო ვადა. მან ამოწურა ვადა და უნდა წავიდეს.

მისთვის მთავარია, რას იტყვის დასავლეთი. მას საკუთარი ხალხის განწყობა არ ადარდებს. მჯერა, დასავლეთი ამდენი ადამიანის პროტესტს შეამჩნევს და მეტიც, მიხვდება, რომ სააკაშვილი საკუთარი ქვეყნის მოსახლეობას აღარ სჭირდება, მეტიც, ის უკვე მოსაბეზრებელია თავისი ქმედებებით.  დამიჯერეთ, შეუძლებელიც შესაძლებელია. გზა მიზანია და მიზანი გზაა.