ხუფენია ფიქრობს, რომ მის მიმართ დევნა პოლიტიკური ნიშნით ხორციელდება.
როგორც ხუფენია ყვება, შინაგან საქმეთა სამინისტროს რიგებში 1991 წლიდან ირიცხება. მუშაობდა ძირითადად უშიშროების ხაზით, ბოლო 4 წელი კი მეტროს პატრული იყო.
“გასული წლის 10 ნოემბერს მეტროსადგურ გურამიშვილზე ვასრულებდი სამსახურეობრივ მოვალეობას,როდესაც ჩემმა თანამშრომელმა მალხაზ მესხმა სამუშაო კაბინეტში დამიძახა, მან მითხრა, რომ უნდა დამეწერა განცხადება და სამსახური დამეტოვებინა. როდესაც მიზეზი ვკითხე, მომიგო, ეს საკითხი ზემოთ არის გადაწყვეტილი და გირჩევნია, ჩუმად წახვიდეო,” _ამბობს გათავისუფლებული პოლიციელი. მალხაზ ხუფენიას თქმით, მას ავტომანქანის საქარე მინაზე ცენტრალური საარჩევნო კომისიის კონვერტი დახვდა, რომელშიც მისი ექვსი ფოტოსურათი აღმოჩნდა. ხუფენია თვლის, რომ მისი გათავისუფლების რეალური მიზეზი გიგი უგულავასთან, ვანო მერაბიშვილთან და გოკა გაბაშვილთან გადაღებული ფოტოები გახდა. ხუფენია ამბობს, რომ მტელეფონზე დაფარული ნომრიდან დაურეკეს და დაჭერით დაემუქრნენ, თუ სამსახურს ნებით არ დატოვებდა.
გათავისუფლებული პოლიციელი, რომელიც უახლოეს დღებში პრეზიდენტ სააკაშვილთან შეხვედრას გეგმავს, სახალხო დამცველს, შინაგან საქმეთა მინისტრს და მთავარ პროკურორს მისი საქმით დაინტერესება სთხოვს.
ორგანიზაცია ” სუფთა პოლიტიკის” წარმომადგენელი ნინო ლაპიაშვილი აცხადებს, რომ უკანასკნელ პერიოდში კატასტროფულად იმატა სამსახურიდან ადამიანების უკანონოდ გათავისუფლების ფაქტებმა. ამ მხრივ, მისი თქმით, შინაგან საქმეთა და ფინასნთა სამინისტროები ლიდერობენ; “როდესაც გათავისუფლებლი ადამიანები ითხოვენ კადრების განკარგულებაში დარჩენას, მათ ამაზეც უარს ეუბნებიან, რომ შემედეგ კომპენსაცია არ გადაუხადონ. ჩვენი ორგანიზაცია უახლოეს დღეებში გეგმავს ამ აფქტების გამომზეურებას,” _ აცხადებს ლაპიაშვილი.
