ჩვენი ინფორმაციით, კუდ-ის ყოფილ თანამშრომლები შს სამინისტროში გასაუბრებაზე იმყოფებოდნენ.
“მათ განუცხადეს, ვისაც დანაშაული გაქვთ ჩადენილი, თავად გადაწყვიტეთ წასვლა, ვინც არჩევნებზე აქტიურობით არ გამოირჩეოდით, მათ სამსახურში დავაბრუნებთო,” _ ამბობს ჩვენი წყარო.
2012 წლის 12აგვისტოს „გურია ნიუსის“ ვებ-გვერდზე განთავსდა სტატია სახელწოდებით: „კუდ-ის ორი ვანო და უშიშროების თანამშრომელი, რომელიც ივანიშვილს ურეკში აკვიდებოდა“.
ფოტოზე ასახული პიროვნება სწორედ ის გივი მუჯირია, რომელიც “გურია ნიუსმა”, ურეკში, 9 აგვისტოს ბიძინა ივანიშვილის ამომრჩეველთან შეხვედრის დროს ხალხის შუაგულში იდგა და შეხვედრას გულდასმით აკვირდებოდა“
გივი მუჯირი რამდენიმე დღეა, რაც ოზურგეთის რაიონულ სამმართველოში უბნის რწმუნებულად დანიშნეს, ის წინასაარჩევნოდ სამუშაოდ ურეკში იყო მიმაგრებული. გივი მუჯირი თავდაპირველად პოლიციაში მუშაობდა, შემდეგ ის “კუდ”-ის ოზურგეთის განყოფილების უფროსმა კარლო მკურნალიძემ მასთან “კუდ”- ში გადაიყვანა სამუშაოდ. მკურნალიძე და მუჯირი ურეკის ზონაზე იყვნენ მიმაგრებულნი, რადგან იქ მთელი ზაფხულის განმავლობაში ბიძინა ივანიშვილი და მისი გუნდი გადაადგილდებოდა.
“გურია ნიუსი” დაუკავშირდა შსს ოზურგეთის რაიონული სამმართველოს უფროსს ალექსანდრე ჭანუყვაძეს, რომელმაც ლაშა სალუქვაძისა და გივი მუჯირის დანიშვნა პოლიციაში დაასტურა.
_ბატონო ალექსანდრე, ფლობთ თუ არა ინფორმაციას, იმის შესახებ, რომ ეს კადრები კუდ-ის თანამშრომლები იყვნენ?
-მაგასთან დაკავშირებით პასუხს ვერ გაგცემთ, კომენტარს ვერ გავაკეთებ, – გვითხრა ჭანუყვაძემ.
ჩვენ დავუკავშირდით ლაშა სალუქვაძეს, რომელმაც პრესსამსახურთან გადაგვამისამართა. გივი მუჯირმა კი ჩვენს სატელეფონო ზარებს არ უპასუხა.
