რადგან სადაზღვევო კომპანია “ალფაში” დაზღვეულ პაციენტებს სამკურნალოდ ოზურგეთის სამედიცინო ცენტრში აგზავნიან. ქირურგიული განყოფილების მედპერსონალი სვამდა კითხვას _ ეს იქეთკენ ხომ არ არის მიმართული, რომ ჩოხატაურში საავადმყოფო არ არის საჭირო?
ჩვენ ჩოხატაურის მოსახლეობას სწორედ ამ კითხვით მივმართეთ _ საჭიროა თუ არა ჩოხატაურში საავადმყოფო?
მელანო, 42 წლის: _ ეს კითხვა საერთოდ არ უნდა დაისვას!
სიმონი, 39 წლის: _ თუ საავადმყოფო არ იქნება, გააუქმონ მაშინ რაიონიც!
ილო, 37 წლის: _ თუ არ იქნება, სად უნდა წავიდეთ, მეზობელ რაიონებში? ტრანსპორტირებას თანხა არ უნდა, სხვას რომ თავი დავანებოთ?!
მარინა, 48 წლის: _ უნდა იყოს, მაგრამ გამართული სამედიცინო აღჭურვილობით.
სალომე, 71 წლის: _ ჩოხატაურში საავადმყოფოს შენარჩუნებისთვის უნდა იზრუნოს ყველამ _ დარაჯიდან დაწყებული საავადმყოფოს დირექტორით დამთავრებული.
მაკა, 31 წლის: _ უნდა იყოს, მაგრამ შეისვლებოდეს შიგ.
მანანა, 53 წლის: _ რა თქმა უნდა, აუცილებლად უნდა იყოს.
მადლენა, 63 წლის: _ აბა, სად წავიდეთ, ოზურგეთში? იქნებ, იქ ჩასვლამდე ვკვდები!
ნიკოლოზი, 65 წლის: _ საავადმყოფო რომ უნდა იყოს რაიონში, ეს საკითხავია? მაგრამ “დენიკინის დროინდელი” რენტგენის აპარატი რომ აქვთ, ჯერ ის შეცვალონ!
ნინო, 23 წლის: _ მე უფლება მაქვს, ავირჩიო საავადმყოფოც და ექიმიც. ავად თუ გავხდები, მიუხედავად იმისა, რომ ჩოხატაურში კარგი ექიმები გვყავს, მაინც ისეთ საავადმყოფოს ავირჩევ, სადაც კომფორტია.
თამარი, 42 წლის: _ სხვა რა დარჩა რაიონში? ესეც გააუქმონ. ესაა მთავრობის ზრუნვა ხალხზე?
შოთა, 80 წლის: _ ამ ასაკის კაცს ჩოხატაურშიც მიჭირს ჩამოსვლა და ოზურგეთში წასვლას როგორ შევძლებ?!
თემური, 62 წლის: _ ნუ იზამენ ისე, რომ ქუჩაში გამოვიდეთ. საზღვარი აქვს ყველაფერს!
თამრიკო, 26 წლის: _ ასეთ საავადმყოფოს მირჩევნია, სულ არ იყოს. შეისვლება შიგ?
აბესალომი, 68 წლის: _ საინტერესოა, რა აზრის არიან აღნიშნული საავადმყოფოს ხელმძღვანელები?!
იოსები, 78 წლის: _ რას არ მოესწრება კაცი! ვინმე ფიქრობს, რომ საავადმყოფო არ არის საჭირო ჩოხატაურში?
ასეთი გახლდათ ჩოხატაურელი მოქალაქეების პასუხები კითხვაზე _ საჭიროა თუ არა საავადმყოფო ჩოხატაურში? იმედია, ამ კითხვას უპასუხოდ არ დატოვებს და კომენტარს გააკეთებს ჩოხატაურის საავადმყოფო-პოლიკლინიკის, შპს “ადითის” დირექტორი, თემურ კოროშინაძე.
