ჩემი ინტერვიუს გამოყენებას საზოგადოებაში რაღაც ეჭვების გასაჩენად ვაპროტესტებ. ბევრი ადამიანი მეკითხება და მთხოვს, რომ დავაზუსტო ჩემი პოზიცია. ვფიქრობ, არაა საჭირო საქმის ისე წარმოჩენა, თითქოს მე ვაკრიტიკებ შსს-ს ზოგადად. ეს ტყუილია. სულაც პირიქით, ირაკლი ღარიბაშვილის მუშაობის სტილს და შედეგებს ყოველთვის მაღალ შეფასებას ვაძლევდი.
ამასთან დაკავშირებითაც ძალიან მკაფიოდ განვაცხადე და კიდევ ერთხელ ვიმეორებ. მე დიდ პატივს ვცემ მინისტრს, მის მოადგილეებს და მათ მოღვაწეობას მხოლოდ უმაღლეს შეფასებას ვაძლევ და ეს არ უნდა იყოს განსჯის საგანი. სამწუხაროდ, ინტერვიუ ისეა აგებული, რომ მკითხველს ამის საწინააღგმდეგო აზრი შეიძლება შეექმნას. ამაზეც მკაფიოდ ვისაუბრე ინტერვიუში და არ უნდა მიწევდეს ამის განმეორებით მტკიცება. რაც შეეხება კლასიფიკაციებს და კონკრეტულ შეფასებებს. ასეთ შეფასებებს ვერ მივცემდი და არც მიმიცია, თუ რომელი მიმართულებითაა გაუარესებული რაიმე სახის დანაშაული ან არის თუ არა საერთოდ. მე ვისაუბრე მხოლოდ კონკრეტულ ფაქტებზე, რაც ჩემთვის გახდა ცნობილი და პირველივე შესაძლებლობისთანავე, ამ ფაქტების თაობაზე ინფორმაცია გადავეცი სამხარეო პოლიციის უფროსს. მისთვის ეს ფაქტები უცნობი იყო და ამის გულწრფელად მჯერა.
ჩავთვალე, რომ რეაგირება სასწრაფოდ უნდა მომხდარიყო. რეაგირების შესახებ ჩემთვის ინფორმაცია აღარ მოუწოდებიათ. დარწმუნებული ვარ, რომ ადეკვატური რეაგირება აუცილებლად იქნება. გულწრფელად გითხრათ, არ უნდა გაგვიკვირდეს, თუ ვინმე თავის ადგილზე რაღაც გადაცდომებს ან თუნდაც შეცდომებს უშვებს. ასეთი ფაქტი შეიძლება ნებისმიერ სამინისტროში და უწყებაში მოხდეს. აკი მოხდა კიდეც იგივე სოფლის მეურნეობის სამინისტროში. საზოგადოების და ჩვენი ხელისუფლების მთავარი ამოცანაა, ნებისმიერ ასეთ ფაქტზე მოვახდინოს მყისიერი რეაგირება.
დიდად მადლობელი ვიქნები, თუ “გურია ნიუსი”, ინტერვიუს კვალდაკვალ ჩემს ამ განმარტებასაც გამოაქვეყნებს საკუთარ ვებგვერდზე, რადგანაც ეს საკითხის უფრო სამართლიანი გაშუქება იქნებოდა”. _ ამ განცხადებას ოზურგეთის მაჟორიტარი დეპუტატი ზვიად კვაჭანტირაძე საკუთარ “ფეისბუქზე” აკეთებს.
საუბარია ინტერვიუზე, რომელიც “გურია ნიუსის” ვებგვერდზე 2013 წლის 7 მაისს გამოქვეყნდა სახელწოდებით : ზვიად კვაჭანტირაძე: “პოლიციის მხრიდან ცემის ფაქტებს ჰქონდა ადგილი!”
უპირველეს ყოვლისა, გვინდა აღვნიშნოთ, რომ იმ შემთხვევაში, როდესაც რესპონდენტს საკუთარი პოზიციის დაფიქსირება კონკრეტულ მედიასაშუალებაში სურს და ამავე მედიასაშუალებასთან აქვს გარკვეული პრეტენზიები, ამ შემთხვევაში, თავის განმარტებას კონკრეტულ მედიასაშუალებას აწვდის და ამის შესახებ შეტყობინებას სოციალურ ქსელში არ ტოვებენ…
რაც შეეხება მაჟორიტარი დეპუტატის მიერ გაკეთებული განმარტების პირველ წინადადებას: “გაზეთს ნუ ეწყინება, მაგრამ საერთოდ არ მომწონს, როგორაა ინტერვიუ საბოლოოდ აწყობილი და არც ამ სიტყვების სათაურად გამოყენებაა სწორი”, _ გვსურს განვმარტოთ შემდეგი:
პირველი _ გაზეთს არ ეწყინება, ბატონო ზვიად! რადგან გაზეთი პირნათელია თქვენს წინაშეც და მკითხველების წინაშეც. ინტერვიუ აწყობილია თქვენი კომენტარების მიხედვით, ყოველგვარი ინტერპრეტაციებისა და შელამაზების გარეშე.
მეორე _ რაც შეეხება სათაურს და მის შერჩევას, ამას სარედაქციო პოლიტიკა განსაზღვრავს. სათაურად კი გამოყენებულია თქვენივე ციტატა, რომლის აუდოჩანაწერიც, რა თქმა უნდა, ჩვენს არქივში ინახება.
მესამე _ თქვენი მოსაზრება იმის შესახებ, რომ რედაქციამ ისე წარმოაჩინა საქმე, თითქოს თქვენ აკრიტიკებთ შსს-ს ზოგადად, ყოველგვარ საფუძველსაა მოკლებული.
რედაქციამ ყველაფერი წარმოაჩინა ისე, როგორც თქვენ ციტირებდით ჩართული დიქტოფონის წინ.
ამავე სტატიაში დაფიქსირებულია თქვენი სიმპათიებიც ბატონი ღარიბაშვილის მისამართით. გთავაზობთ ციტატას თქვენი ინტერვიუდან:
_ ბატონო ზვიად, დაინტერესებულხართ თუ არა გურიის პოლიციის საკადრო პოლიტიკით?
_ რაც შეეხება საკადრო პოლიტიკას, ძალოვან სტრუქტურაში ვიცნობ პირადად ბატონ ირაკლი ღარიბაშვილს. იმდენად დიდი პატივისცემა და რწმენა მაქვს მისდამი, რომ არც მიცდია, მისთვის რაღაც რჩევა ან რეკომენდაცია მიმეცა, გურიის პოლიციაში საკადრო საკითხებთან დაკავშირებით. თუ სადმე დავინახე, რომ რომელიღაც რგოლი გურიაში სუსტად მუშაობს, ამის შესახებ ხმამაღლა ვიტყვი.
და ბოლოს, “გურია ნიუსი” ასრულებს თქვენს თხოვნას: “დიდად მადლობელი ვიქნები, თუ “გურია ნიუსი”, ინტერვიუს კვალდაკვალ ჩემს ამ განმარტებასაც გამოაქვეყნებს საკუთარ ვებგვერდზე, რადგანაც ეს საკითხის უფრო სამართლიანი გაშუქება იქნებოდა” და საკითხის კიდევ უფრო სამართლიანი გაშუქების მიზნით, ვაქვეყნებთ არა მხოლოდ განმარტებას, არამედ აუდიოჩანაწერებსაც იმ ინტერვიუდან, რომელსაც “ფეისბუქით” აპროტესტებთ…იად კვაჭანტირაძე პოლიციის მხრიდან ცემის ფაქტზე საუბრობს
ზვიად კვაჭანტირაძე პოლიციის მხრიდან ცემის ფაქტზე საუბრობს
ზვიად კვაჭანტირაძის კომენტარი პოლიციის მუშაობის შესახებ
