ირმა ნადირაშვილი: “არ მახსოვს, პრეზიდენტისთვის კითხვა დაესვათ და მას არ ეპასუხა”

რაც ვნახე, ჟურნალისტებიც იყვნენ მძიმე სიტუაციაში. ჟურნალისტის მოვალეობაა შეკითხვა დასვას, პრემიერ-მინისტრის მოსწონს თუ არ მოსწონს ამისგან დამოუკიდებლად და როდესაც ასეთ მაღალ თანამდებობას იჭერ, შენ თმენის ვალდებულება გაქვს. ვალდებული ხარ, რომ შენთვის არასასურველ კითხვას, თუნდაც არასასურველი ფორმით დასმულ კითხვას გასცე პასუხი, თუმცა იქ არაკორექტულად დასმული კითხვები ნამდვილად არ მომისმენია. _ ასე კომენტარს აკეთებს საქართველოს პარლამენტის წევრი, ირმა ნადირაშვილი პრემიერ-მინისტრის შეხვედრაზე ჟურნალისტებთან.

ირმა ნადირაშვილი  ამბობს, რომ საზოგადოებამ აუცილებლად უნდა მიიღოს კითხვებზე პასუხი.

_  თუმცა, ისიც კარგად გვახსოვს, რომ იყო დრო, პრემიერ-მინისტრს და საქართველოს პრეზიდენტს ჟურნალისტები საერთოდ ვერ ვხვდებოდით. საპარლამენტო არჩევნების დროს კი პრეზიდენტის მოსახლეობასთან შეხვედრის დროსაც კი არ გვიშვებდნენ ჟურნალისტებს.

_ მე ვთვლი, რომ სწორედ ეს არ იყო სწორი საინფორმაციო პოლიტიკა და შესაძლოა ჩემს თავზე ამეღო პასუხისმგებლობა იმ დროსთან დაკავშირებით, როდესაც მე მიწევდა მედიასთან ურთიერთობა, როდესაც პრეზიდენტის ადმინისტრაციაში ვმუშაობდი. შესაძლოა, ეს შეხვედრები უნდა ყოფილიყო უფრო გახსნილი, ფართო და ჟურნალისტებისთვის უფრო კარგად აგვეხსნა რას ვაკეთებდით, რას ვგეგმავდით. მართლაც იყო პრობლემები რეგიონულ მედიასთან, განსაკუთრებით შეხვედრის მიმართულებით. თუმცა, მე არ ვთვლი, რომ მიხეილ სააკაშვილის დროს დახურული იყო სისტემა და მისთვის კითხვის დასმა არ შეიძლებოდა.

_ პრობლემები იყო და შემიძლია გითხრათ, რომ რეგიონულ მედიის წარმომადგენლებს ამის შანსი არ გვეძლეოდა.

_ ეს თქვენზე წინ მე ვთქვი, რომ რეგიონულ მედიასთან მიმართებაში ნამდვილად იყო და ჯობდა, რომ ეს მიმართულება ყოფილიყო უფრო გახსნილი და არცერთი კითხვა არ არის საშიში, საშიში არის ის, როდესაც საზოგადოებას კითხვებზე არ აქვს პასუხი და ასეთი შეცდომები არცერთმა ხელისუფლებამ არ უნდა დაუშვას.

_ რა იყო პრობლემა, როდესაც მიხეილ სააკაშვილი რეგიონში ჩადიოდა, რატომ არ სურდა მას ჟურნალისტებთან უფრო გახსნილი ყოფილიყო.

_ მე არ მახსოვს, როდესაც კითხვას უსვამდენ პრეზიდენტს, მას პასუხი არ გაეცა, ის არ ეუბნებოდა ჟურნალისტ დააზუსტე შენი კითხვა და არაკორექტურად ნუ იქცევიო, ასეთ რამეს ვერ გამახსენებთ.

_ ხშირად გვინახავს და მოგვისმენია, რომ მიხეილ სააკაშვილი პასუხს კონკრეტულ კითხვაზე არ სცემდა.

_ როგორც ჟურნალისტის უფლებაა, რომ დასვას კითხვა, ისეა პოლიტიკოსის უფლება მან ამ კითხვაზე თავისი შეხედულების მიხედვით გასცეს პასუხი.