და ვლადიმერ მაიაკოვსკის დაბადებიდან 120-წლისთავისადმი მიძღვნილ ფესტივალს ატარებს. ფესტივალში, რომლის სახელია “სრული ხმით” მონაწილეობას მიიღებენ წამყვანი პოეტები ოცდაათი ქვეყნიდან.
უცხოელ კოლეგებს უმასპინძლებენ ცნობილი ქართველი ლიტერატორები. ათი დღის განმავლობაში პოეტური მარათონი მოიცავს საქართველოს 17 ქალაქს – თბილისს, რუსთავს, გორს, ახალქალაქს, მარნეულს, ფოთს, ბათუმს, ქობულეთს, ხელვაჩაურს, ქედას, შუახევს, მარტვილს, ზუგდიდს, ჩოხატაურს, ოზურგეთს, ბაღდათს და ქუთაისს.
ფესტივალის ფარგლებში გაიმართება მრგვალი მაგიდები, შემოქმედებითი შეხვედრები, მასტერ-კლასები, სამეცნიერო-პრაქტიკული კონფერენცია, სპექტაკლები, ფილმების ჩვენებები. ასევე მანანა მენაბდეს კონცერტი “სიზმრები საქართველოზე”, რომელიც ეძღვნება დებ იშხნელებს და კონცერტი “ჯაზური ტრანსფორმაციები” ანდრეი მაკარევიჩის მონაწილეობით.
სპეციალურად ბიენალესთვის “რუსულმა კლუბმა” გამოუშვა თარგმანების კრებული “გზაჯვარედინი”, ვ. მაიაკოვსკის ლირიკის წიგნი “სამარადისოდ დაჭრილი სიყვარულისგან”, ნოდარ დუმბაძის საბავშვო ლექსების რუსულ-ქართული კრებული, საქართველოს დამსახურებული ჟურნალისტის არსენ ერემიანის რჩეული ნაწარმოებების წიგნი “დამიძახე, როგორც შვილს”, პროფესორ ნატალია ორლოვსკაიას კრებული “ნარკვევები ლიტერატურული კავშირების საკითხებისთვის”.
ფესტივალი გაიხსნება 13 ივლისს და დაიხურება 22 ივლისს.
