_ რამდენიმე დღის წინ ბათუმიდან დავუკავშირდი აქციის ერთ-ერთ ყველაზე აქტიურ მონაწილეს და ჩემი აზრი გავუზიარე ამასთან დაკავშირებით. ის, რითაც დაიწყო ეს პროტესტი თავიდან, იყო ის, რომ საკრებულოს სხდომაზე მივიღეთ აბსოლუტურად არაადეკვატური გადაწყვეტილება, რაც გავაპროტესტეთ. ის, რომ ამ ადამიანებმა გამოთქვეს პროტესტი, ეს ჩემში პროტესტს არ იწვევს, პირიქით, მე ვუერთდები მათ ამ საკითხთან დაკავშირებით, ამის შესახებ საჯაროდაც ვთქცი თქვენთან ინტერვიუშიც.
_ მე დაგპირდით, რომ გეტყოდით ზეწოლების შესახებაც, რომელიც დეპუტატებზე განახორციელეს, ვსწავლობთ ამ პროცესებს, კოალიციის წევრების და დეპუტატების დახმარებით, ჩვენ ამ თემას ვიკვლევთ. საპასუხოდ ჯერ მზად არ ვარ, მაგრამ მინდა კიდევ განვაცხადო, რომ აქციის გაგრძელებას ამ სახით, არანაირი აზრი არ ააქვს. გულწრფელად გეტყვით უფრო მეტსაც, ეს იძლევა ცუდ შედეგს, მე მიმაჩნია, რომ ეს არც საერთო ფონს შველის. მიუხედავად იმისა, რომ ეს ადამიანები ეძებენ სიმართლეს, რაშიც მათ აბსოლუტურად გვერდში ვუდგევარ, მათი ძირითადი მოთხოვნა რაც იყო, დაკმაყოფილებულია. ყველას კითხვის ნიშნები გვაქვს, მეც, კოალიციას მთლიანად, გვაინტერსებდა და გვაინტერესებს რა ხდება გამგეობაში, საკრებულოში, დეპუტატებთან და სოფლის პროექტებთან დაკავშირებით, მოვითხოვდით ამ ინფორმაციებს და ახლა როგორც ვიცით, პროკურატურაში შევიდა ეს საქმეები. აქციის მონაწილეებმა და ძირითადად კოალიციამ, დაწერეს მოთხოვნა, რომელიც პოლიციაშია შესული, მიმდინარეობს გამოძიება. _ სხვა საქმეა როგორ მიმდინარეობს და რა ტემპით, მაგრამ მე მიმაჩნია, რომ დღევანდელ სიტუაციაში, აქციის ამ სახით მიმდინარეობა, გამოდის ზეწოლა საკადრო გადაწყვეტილების მიღებაზე. არ არსებობს გზა, რომელიც ზეწოლით მიიყვანს რაღაც შედეგამდე. ამას არ დაუშვებს და არ გააკეთებს ხელისუფლება, იმიტომ, რომ დღეს რომ გამოვიდეს რაღაც საკადრო გადაწყვეტილებების მიღება და ეს დაუკავშირონ ადამიანების ზეწოლას, არასწორი იქნება რა! არსებობს სამართლებრივი გზები, რითაც უნდა გადაწყდეს საკითხები.
ჩვენ გვაქვს შეკითხვები, რომელზედაც ველოდებით პასუხებს, აი სანამ ეხლა ეს პასუხი გაჩნდება, მანამდე ელოდო ასეთი სახით აქციების გაგრძელებას, არაა რა! მე მაგათ 2 კვირით ადრეც ვუთხარი ჩემი აზრი, ძალით ვერ ვაიძულებ დაშლას, იმიტომ, რომ მერე შეიძლება მე მომიბრუნდნენ და აბსოლუტურად დაუმსახურებლად დავიმსახურო ამ ადამიანების წყენა, ეს ნამდვილადა რ მინდა, მაგრამ გულწრფელად გეუბნებით, ამ სახით აქციის გაგრძელებას არანაირი აზრი არ აქვს და დღესაც ვთხოვე სხვათა შორის ერთ-ერთ მონაწილეს, ყველაზე აქტიურს. შევხედოთ რას იზამენ.
_ბატონო ზვიად, საზოგადოებაში აქტიურად მუსირებს თქვენი სახელი ამ აქციასთან დაკავშირებით, ის, რომ თქვენ ხართ ამ აქციის ორგანიზატორი, დამფინანსებელი და თქვენს მიერ მხარდაჭერილია, რა იტყოდით ამასთან დაკავშირებით??
_ ეს არის აბსოლუტური სისულელე! ჭორი, ამას ვერავინ დაამტკიცებს. ეს არის გამორიცხული. კიდევ ერთხელ ვიტყვი, რომ ყველა იმ ადამიანს, ვინც იქ ზის, ძალიან დიდ პატივს ვცემ, მაგრამ თქვენი საშუალებით კიდევ ერთხელ განვაცხადებ, რომ მიმაჩნია და კაი ხნის წინ მიმაჩნდა, რომ აქციის ამ სახით გაგრძელებას აზრი ნამდვილად არ აქვს! რადგან ეს არის ზეწოლა გადაწყვეტილებების მიღებაზე, რაც ჩემი აზრით არის მიუღებელი. მე ვფიქრობ, რომ სამართლებრივ ჭრილში უნდა გადავიტანოთ და ასე დავიკმაყოფილოთ ჩვენი ინტერესი, ეს არის ოზურგეთელების ინტერესი და ამას ვაღიარებთ ყველა. როგორ მიმდინარეობს გამოძიების პროცესი, ამაზე მე მოგიწოდებთ თქვენ მიმართეთ პროკურატურას და დაინტერესდით ამ პროცესებით, მარტო დეპუტატს რატომ უსვამთ ასეთ შეკითხვებს?
_ აპირებთ თუ არა თანამშრომლობას ბატონ კოტე შარაშენიძესთან?
_ მე კოტესთან მრჩება ჩვეულებრივი ურთიერთობა. რა თქმა უნდა, ზუსტად 24 რიცხვთან დაკავშირებით უთანხმოება იყო, მაგრამ ეს არცერთ შემთხვევაში არ უნდა გადაიზარდოს ხანგრძლივ უთანხმოებაში. იყო უთანხმოება, რა თქმა უნდა, იგივე გურიანთის რწმუნებულის შეცვლასთან დაკავშირებით, სადაც ასევე არ იქნა გაზიარებული ჩემი რეკომენდაცია, მაგრამ ახლა მე ამის გულისთვის გავიბუტო, ასე არ შეიძლება!
_ არ იყავით “გაბუტული”?
_ რას ნიშნავს გაბუტული ვიყავი?
_ თქვენ განაცხადეთ, წინა ინტერვიუს დროს, რომ არ გქონდათ გამგებელთან არანაირი ურთიერთობა..
_ რა იცი შენ, მე რა მქონდა კოტესთან? რას ქვია არ მქონდა ურთეირთობა? კოტე გაბარებს ანგარიშს?
_ თქვენ მითხარით.
_მე მაქვს მასთან ურთიერთობა, ამასწინათ, დუმბაძის ღონისძიებაზე ერთ სუფრაზე ვისხედით ჩოხატაურში, მაგრამ ის უკმაყოფილება რაც დამრჩა, უკან არ მიმაქვს. ასეთი უკმაყოფილება შეიძლება გამგებელს მის მოადგილეებთან ჰქონდეს. თუ ის იქნება მოსახსნელი, მოხსნიან, თუ არა, პირველი მას დავუდგები გვერდით. ერთმანეთის ნერვები გამოსცადოს ერთმა და მეორე მხარემ, ეს არ არის სწორი.
