რომ “ოცნების” მხარდამჭერები პარტიაში “დემოკრატიული საქართველო” გადავიდნენ.
გთავაზობთ ზურაბ ზვიადაურის კომენტარს: “ის, რომ არჩევნების წინ ადამიანები ერთი პარტიიდან მეორეში გადაინაცვლებენ, არის ჩვეულებრივი მოვლენა. ყოველთვის ასე ხდებოდა, ვინც უფრო მეტს შესთავაზებს, მისკენ მიდიან. ეს ძირითადად ის კატეგორიაა, რომლებისთვისაც მთავარი ფულია. რაც შეეხება კოალიციის ახმეტის შტაბს, ჩვენ 500-ზე მეტი აქტივისტი და ათჯერ უფრო მეტი მხარდამჭერი გვყავს. 25 კაცის გადასვლა რა თქმა უნდა, ვერაფერს შეცვლის.
რაც შეეხება ჩემს მიმართ წამოყენებულ ბრალდებას, რომ მე ჩემი ნათესავები დავასაქმე, არის სიცრუე. ამის შესახებ ბევრჯერ მითქვამს. თუ ჩემი ნათესავი მანამდეც და დღესაც სადმე მუშაობს, ეს არ არის დანაშაული. რაც შეეხება ძველი კადრების დატოვებას თანამდებობებზე, ჩვენ თვითონ მივიღეთ კანონი, რომ პოლიტიკური ნიშნით სამსახურებიდან აღარ უნდა მოხდეს ხალხის დათხოვნა. ჩვენ ამის წინააღმდეგ ვიბრძოდით და ეს კანონი ახალი ხელისუფლების ერთ-ერთი მთავარი მიღწევაა.
საერთოდ, დღევანდელი დღე მოწყობილი იყო ერთ-ერთი აქტივისტის, ელზა მარგოშვილის მიერ. ის მე დამემუქრა, რომ დიდი ნათესაობა ჰყავდა და ბურჯანაძესთან მივიდოდა. დღეს შეკრებილი ხალხიდან უმრავლესობა არა ჩვენი ყოფილი აქტივისტი, არამედ მისი ნათესაობა იყო. რამდენიმე დღის წინ ეს ქალბატონი ჩემთან იმყოფებოდა . ჩვენს შეხვედრას ესწრებოდა 4 პიროვნება. მან მთხოვა მისი შვილის დასაქმება. პირადად ჩემი რეკომენდაციით მისი ოჯახიდან დასაქმდა ორი პიროვნება, ის და მისი ერთ-ერთი შვილი და მთხოვდა კიდევ მესამე წევრის დასაქმებას. მე მას ავუხსენი და ამასთანავე ვთხოვე, რომ სხვა ქისტებისთვისაც გაეწია შეღავათი, რომ სხვა ოჯახებიდანაც დაგვესაქმებინა ვინმე. ის გაბრაზებული ჩემი კაბინეტიდან გაიქცა და თან დაგვემუქრა. მე მისთვის შეურაცხყოფა არ მიმიყენებია, ამას დაადასტურებს იქ მყოფი ოთხივე პირი.
რაც შეეხება მოახლოებულ არჩევნებს, ყველა ნახავთ, რომ პირველივე ტურში კოალიციის კანდიდატი გიორგი მარგველაშვილი გაიმარჯვებს,” _ ნათქვამია ზვიადაურის მიერ გავრცელებულ კომენტარში.
