და მის გადადგომას მითხოვდა, მოთხოვნის შეუსრულებლობის შემთხვევაში კი უკიდურესი ზომების მიღებით _ თავის დაწვით იმუქრებოდა.
ჩიჩუას მოთხოვნა ლანჩხუთის გამგებლის მოადგილემ, ვახტანგ ზენაიშვილმა ადმინისტრაციული რესურსის გამოყენებად შეაფასა. მისის თქმით, საჯარო მოხელის მხრიდან ზეწოლის ფაქტი სამუშაო საათებში, დღის 4 საათზე მოხდა. თუმცა, თავად ჩიჩუას თქმით, მან განცხადება მაშინ გააკეთა, როცა სამუშაო საათები დამთავრებული იყო.
იმის შესახებ, რა ზომებს მიიღებს გამგეობის აპარატი ადმინისტრაციული რესურსის გამოყენების ფაქტების დაფიქსირების შემთხვევაში და რატომ ვერ აკონტროლებს გამგეობა საკუთარ აპარატს, გამგებლის მოადგილეს ვახტანგ ზენაიშვილს ვესაუბრეთ.
_ მე ვადასტურებ, რომ “ქართული ოცნების” საარჩევნო შტაბის ხელმძღვანელმა გოგი ხელაძემ მართლაც დამირეკა და მითხრა, რომ გულნარა ჩიჩუა ზის ბაღში, ილანძღება და მოითხოვს ჩემს გადადგომას. მთელი საზოგადოება ამას ისმენს, იგი თქვენი რწმუნებულია და იქნებ, მისცეთ შენიშვნაო.
როდესაც საჯარო მოხელე ასეთი ფორმით ერევა საარჩევნო პროცესებში და ითხოვს საკუთარი კანდიდატების გაყვანას, ეს უკანონო ქმედებააა. ჩვენ საჯარო მოხელეებისგან ვითხოვდით არ ჩარეულიყვნენ ამ პროცესში. ეს არის კანონდარღვევა და იმ პოლიტიკისთვის ჩრდილის მიყენება, რასაც აწარმოებს ახალი გუნდი. ჩემთვის არ არის სულ ერთი, ამ არჩევნებში ვინ გაიმარჯვებს, მაგრამ ჩემი ინტერესების დაკმაყოფილებას მირჩევნია არჩევნების დემოკრატიულად ჩატარება. ბევრს ჰგონია, რომ თუ ადრე სხვა ძალადობდა, ახლა მან უნდა იძალადოს.
_ ქალბატონი გულნარა ამბობს, რომ სიების შედგენა თქვენ მას თავად დაავალეთ?
_ მერე მე რატომ არ მომიტანა ის სიები? ეს არის ჭორი და ტყუილი. მარტო მას დავავალე ან გოგი ხელაძესთან რა უნდოდა? როცა აყენებს ამ ბრალდებას, უნდა დაასაბუთოს კიდეც.
_ რა ზომების გატარებას აპირებთ?
_ მუნიციპალიტეტის ხელმძღვანელობამ ყურადღება უნდა მიაქციოს ასეთ ფაქტებს და გაატაროს შესაბამისი ღონისძიებები. საარჩევნო სუბიექტები როგორ გადაწყვეტენ ამას, არ ვიცი, იქ რაღაც ჯარიმებზეა საუბარი თუ ეს საქმე მოკვლეული და დადასტურებული იქნება, რა თქმა უნდა, გამგეობას საკუთარი პოზიცია ექნება აღნიშნულ საკითხთან დაკავშირებით, _ გვითხრა ზენაიშვილმა.
თავად გულნარა ჩიჩუა ამბობს, რომ იმ დღეს გამგეობაში თათბირზე იმყოფებოდა, რომელიც 12 საათზე დაიწყო და 3 საათზე დასრულდა. ამის შემდეგ მას შეხვდა ზონის კოორდინატორი შალვა ჯაყელი, რომელმაც აღელვებულმა უსაყვედურა, რომ ჩვენი კანდიდატების არარჩევის გამო მას სოფელში არ აესვლებოდა: _ მე ვიცილებ ყოველგვარ პასუხისმგებლობას არჩევნებთან დაკავშირებით და ვაცხადებ, რომ შტაბში გამიზნულად არ მივსულვარ _ იქ შემთხვევით აღმოვჩნდი. ვინაიდან 4 საათი იყო, შენობაში არ შევსულვარ, ვეხვეწებოდი შტაბის წევრებს, გარეთ გამოსულიყვნენ და აეხსნათ, რა ხდებოდა და რატომ იქნა უგულებელყოფილი ყველა ჩვენი კანდიდატი, თუმცა, ყურადღება არავინ მომაქცია. ეგ იყო და ეგ, _ გვითხრა ჩიჩუამ.
