“ოზურგეთის მუნიციპალიტეტისთვის სტიქიით დაზარალებულთა დასახმარებლად გამოყოფილი 450 000 ლარის ხარჯვა მიმდინარეობს არამიზნობრივად და კანონდარღვევით. არ არსებობს სტიქიით მიყენებული ზიანის დამთვლელი კომისიის დასკვნა ზარალის ოდენობის შესახებ,” _ აღნიშნულია განცხადებაში, რომლითაც კოალიცია “ქართული ოცნების” წარმომადგენლებმა საქართველოს მთავარ პროკურორ არჩილ კბილაშვილს, პარლამენტის თავმჯდომარე დავით უსუფაშვილსა და შს მინისტრს ირაკლი ღარიბაშვილს მიმართეს.
_ ორ თვეზე მეტი გავიდა იმ საჩივართან დაკავშირებით, რომლითაც კოალიციის წევრებმა პროკურატურას მიმართეს? კონკრეტულად, 23 მარტს სტიქიით მიყენებული ზიანისთვის გამოყოფილი 450 000 ლარის შესახებ…
კახა კოჩივარი:
_ აღნიშნულთან დაკავშირებით, როგორც არაერთხელ განგიმარტეთ, შსს გურიის სამხარეო სამმართველოში მიმდინარეობს წინასაგამოძიებო შემოწმება, შესრულებულ სამუშაოებზე გამგეობამ სამხარაულის სახელობის ექსპერტიზის ბიუროში დანიშნა ექსპერტიზები. ამ ეტაპზე სამხარაულის ექსპერტიზიდან მიღებულია დასკვნები, რომლის შესაბამისადაც მიმდინარეობს შესრულებული სამუშაოების შემოწმება.
_ ანუ ჯერ კიდევ არ გვაქვს კონკრეტული პასუხი, აღნიშნულ ფაქტთან დაკავშირებით გამოძიება დაიწყება თუ არა?
_უნდა გადავამოწმოდ ექსპერტიზის დასკვნები შესრულებულ სამუშაოებზე, მიღება- ჩაბარების აქტებზე, შპს – ებზე, ინდ.მეწარმეებზე ვინც ეს სამუშაოები შეასრულა. გამგეობას რომ ჩაებარებინა ეს ობიექტები, დაინიშნა სამხარაულის ექსპერტიზა, მიღებულია ძირითადი ნაწილი. ამის შესაბამისობაში შემოწმდება შესრულებული სამუშაოები _ რამდენად სწორად იყო თანხები გადარიცხული და რამდენად კანონიერად შესრულდა სამუშაოები.
ამ პროცედურების გავლის შემდგომ თუ ექსპერტიზის დასკვნასა და შესრულებულ სამუშაოებს შორის სხვაობა გამოვლინდა , თუ იქნება ფასთა სხვაობა და თანხების არამიზნობრიობა, შესაბამისად გადაწყდება გამოძიების დაწყების საკითხი.
ჩვენ არ ვტოვებთ ასევე არცერთ საგაზეთო პუბლიკაციას რეაგირების გარეშე. ექსპერტებმა ადგილზე შემოწმების შედეგად მიუთითეს ახსნა-განმარტებების ოქმებში, გამოკითხებში აღნიშნეს, თუ კი ვინმესთან შესრულდა სამუშაოები და თუ არ შესრულდა, ისიც განმარტეს.
_ რამდენად სამართლიანი და მიუკერძოებულია ექსპერტიზის დასკვნები, წინასაგამოძიებო მოკვლევა ჩატარდა თუ არა ობიქტურად და იქნება თუ არა გამოძიება სამართლიანი?
_ რა თქნა უნდა სამართლიანი და ობიექტური იქნება.
_როდის გვეცოდინება კონკრეტული პასუხი იმაზე, დაიწყება თუ არა გამოძიება აღნიშნულ ფაქტთან დაკავშირებით?
_ არის 42 ობიექტი, რომლის გადამოწმებაც ადვილი არ არის. თითოეულ ობიექტზე 5 ან 6 კაცია გამოსაკითხი. შესამოწმებელია გადარიცხული თანხები, ეს ძალიან დიდ დროსთან არის დაკავშირებული. იმ კვირის ბოლოს გევცოდინება ზუსტი პასუხი. თუ კი ექსპერტიზის დასკვნაში დანაშაულის შემცველი ნიშნები იქნება, გამოძიება დაიწყება.
-საზოგადოება საუბროს იმაზე, რომ ეს ფაქტი მიიჩქმალება პროკურატურის მიერ…
_არაფერი არ დაიმალება, როგორ გეკადრებათ… ვერაფერი ვერ იმოქმედებს ფაქტზე, თუ კი დანაშაულია.
_საინტერესოა ერთი დეტალი, ზარალის დამთვლელი კომისიის დასვნას, მიღება- ჩაბარების აქტებს ხელს აწერს შარაშენიძის მოადგილე გიორგი ღურჯუმელიძე… არსად ჩანს გამგებელი…
¬_ვის მოეთხოვება პასუხი, ეს უკვე ძიების საქმეა.
_როგორც ვიცით, აღნიშნულ განცახდებაში სხვა ფაქტებიც იყო მოყვანილი. რა ხდება მასთან დაკაშირებით?
_ალბათ, გამგებელ კოტე შარაშენიძის მიერ მოქალაქე ნესტორ რამიშვილთან მომხდარ ინციდენტს გულისხმობთ. ამ საქმესთან დაკავშირებით სისხლის სამართლის საქმე დანაშაულის ნიშნების არ არსებობის გამო შეწყვეტილია.
