“ნაციონალური მოძრაობის მხარდამჭერებმა გაუძლეს ზეწოლას, დაჭერებს, ძალიან ბევრ უკანონობას და 27 ოქტომბერს ბიძინა ივანიშვილს გაუგზავნეს გზავნილი, რომ მისი ოცნება გაანადგუროს “ნაციონალური მოძრაობა” დარჩება აუხდენელ ოცნებად, ისე როგორც 76 დაპირება. ჩვენ მზად ვარ გავაგრძელოთ ბრძოლა, რომელიც დამთავრდება გამარჯვებით და გეშინოდეთ ამის.
“საპრეზიდენტო არჩევნები საერთაშორისო დამკვირვებლებმა დადებითად შეაფასეს, ეს გახლავთ ძალიან ლოგიკური გაგრძელება იმ დადებითი შეფასებებისა, რომელიც “ვარდების რევოლუციიდან” მოყოლებული დამკვიდრდა. როცა ამ შედეგებზე საუბრობთ, ყურადღებიდან გრჩებათ მნიშვნელოვანი განსხვავება – როგორ იქცეოდა ოპოზიცია 2009 წელს, 2010 წელს, 2012 წელს და როგორც იქცეოდა წელს – მათგან განსხვავებით “ნაციონალური მოძრაობა” არ ცდილობდა სამხედრო ძალის, რუსეთის ძალის დახმარებით გადატრიალება მოგვეწყო, ჩვენ არ გაგვიცხადებია, რომ არ ვაღიარებდით არჩევნების შედეგს თუ დავმარცხდებოდით, არ გამოგვიცხადებია უნდობლობა საარჩევნო კომისიის მიმართ, თავს არ დავსხმივართ საოლქო კომისიებს, რასაც თქვენ აკეთებდით სამარცხვინოდ 2012 წელს. ჩვენი ეს არჩევანი გახდა სწორედ ამ დადებითი შეფასებისა და არა ის, რომ ბიძინა ივანიშვილმა საქართველოში გასაოცარი დემოკრატია დაამყარა. ძალიან სავალალოა, რომ ოპოზიციის ასეთი კონსტრუქციული ქმედებების მიუხედავად ხელისუფლება არჩევნებს შეხვდა “ნაციონალური მოძრაობის” გენერალური მდივნის დაპატიმრებით და არაერთი თანამდებობის პირის წინააღმდეგ აღძრული სრულიად უკანონო საქმეებით. ჩვენ ათეულობით მომხრის დაკითხვის ფონზე შევხვდით ამ არჩევნებს, ეს სამარცხვინოა”, _ აღნიშნა თაქთაქიშვილმა.
