“უკრაინაში მოხდა “გალადამორი”, რომლის დროსაც 6 მილიონზე მეტი ადამიანი შიმშილით დაიხოცა. ეს ადამიანები მიიყვანეს იმ მდგომარეობამდე, რომ საკუთარი ოჯახის წევრებს კლავდნენ და ცოცხლად ჭამდნენ. უკრაინელებმა იციან რისთვის იბრძვიან და ასეთი ბრძოლა აუცილებლად შედეგიანად დასრულდება. ასეთი სიტუაცია უკრაინაში უნდა მომხდარიყო, რადგან მუდმივად იქნებოდა აზრი, რომ მოსულიყო ხელისუფლებაში პრორუსული ძალები, რუსეთი შეამცირებდა ფასს გაზზე, გამოსწორდებოდა ეკონომიკა და სხვა, მაგრამ რეალურად ყველა ხედავს, რომ არავითარ დათმობას რუსეთი არც უკრაინის და არც არავისთან მიმართებაში არ აპირებს. პირიქით, ის თავის აგრესიულ პოლიტიკას ყველა მეზობელ სახელმწიფოსთან აძლიერებს. უკრაინაში, ისევე როგორც ჩვენთან, არის არა მხოლოდ ეთნიკური მომენტი, არის მენტალური პრობლემაც”.
მალაშხიას განცხადებით, მაშინ როცა რუსეთმა საქართველოს ელექტროენერგია გაუთიშა, როცა გაზსადენი ააფეთქეს და იყო კრიზისული მდგომარეობა, სააკაშვილმა მიიღო ოპტიმალური გადაწყვეტილებები და გვაქვს დივერსიფიცირებული ენერგოსისტემა და გაზით მომარაგება.
“დღევანდელი პრეზიდენტი, გიორგი მარგველაშვილი არ ამბობს ვისი დამსახურებაა, რომ დღეს საქართველოს აქვს დივერსიფიცირებული ენერგოსისტება და გაზით მომარაგება. ყველაზე კრიზისულ სიტუაციაში სააკაშვილმა ყველა გადაწყვეტილება მიიღო ოპტიმალურად და ჩვენ აღარ ვართ დამოკიდებული რუსეთზე ენერგორესურსებით და არც ეკონომიკური თვალსაზრისით”.
დეპუტატის განცხადებით, მარგველაშვილმა შეცვალა 2008 წლის ომის მიმართ რიტორიკა და აღნიშნავს, რომ პრეზიდენტი იყენებს “ნაციონალური მოძრაობის” არგუმენტებს.
“ომთან დაკავშირებით მას აქვს უკვე სულ სხვა პოზიცია, ვიდრე აქამდე ჰქონდა. ის ინტერვიუში ამბობს, რომ ამ ომის შედეგად წააგო რუსეთმა, რომ რუსეთს საერთაშორისო დონეზე აქვს პრობლემები, საქართველოს ტერიტორია არის ოკუპირებული, ამას აუცილებლად მოჰყვება დეოკუპაცია, ასეთი საუბრის სტილი ადრე მარგველაშვილისგან არ მსმენია, თუ მას ერთმა ვიზიტმა უშველა ვილნიუსში იმ საზოგადოებასთან, რომელთან ერთადაც ღებულობდა მონაწილეობას, მაშინ ვურჩევდი ხშირად დაგეგმოს ასეთი ვიზიტები. მან პრაქტიკულად გაამართლა ყველა ის პოზიცია, ოღონდ არ ასახელებდა სახელს და გვარს-მიხეილ სააკაშვილს და მის გუნდს”.
მალაშხია აცხადებს, რომ საქართველოს სწრაფვას ევროკავშირისკენ ვერც ერთი ხელისუფლება ვერ შეცვლის, რადგან ეს არის ქართველი ხალხის არჩევანი, რომელიც აჩვენა რეფერენდუმმა. მისი თქმით არსებულ ხელისუფლებას აქვს კაპიტულიანტური და უნიათო მიდგომა რუსეთისსადმი. მისი განცხადებით საჭიროა ხელისუფლება ყველამ აიძულოს, რათა პრორუსული კურსი იყოს ჩაკეტილი.
-„ რუსეთისადმი კაპიტულიანტური დამოკიდებულებით მისი მადა კიდევ უფრო იზრდება, ჩვენ ყველამ ერთად თანმიმდევრულად უნდა ავიძულოთ ხელისუფლება, რომ პრორუსული კურსი საბოლოოდ იქნეს ჩაკეტილი. ეს მთავრობა ხან ერთს ამბობს, ხან მეორეს. ავიღოთ სოჭის ოლიმპიადის მაგალითი. ადრე ამბობდნენ, რომ მთავრობა უნდა წავიდეს ოლიმპიადაზე, ახლა ამბობენ, რომ მხოლოდ სპორტსმენებმა უნდა მიიღონ მონაწილეობა. ესეც გაუგებარია, თუ რუსეთმა დანაშაული ჩაიდინა და მთავრობა არ უნდა წავიდეს, მაშინ ის სპორტსმენი რატომ უნდა წავიდეს, ისიც ხომ ამ ქვეყნის მოქალაქეა. სპორტსმენმა ოლიმპიური დროშით უნდა მიიღოს მონაწილეობა და არა საქართველოს დროშით. ჩვენ ყველამ ერთად-მედიამ, საზოგადოებამ, არასამთავრობოებმა მუდმივად უნდა მოვახდინოთ ზეგავლენა მთავრობაზე და არანაირი საფრთხე არ უნდა დაემუქროს საქართველოს ევროინტეგრაციის გზაზე წარმატებით სიარულს“.
უმცირესობის წარმომადგენელი ამბობს, რომ მკვეთრად გამოხატული საპარლამენტო ოპოზიცია ძლიერია და ასეთი ძლიერი ოპოზიციური ძალა საქართველოში ბოლო 20 წლის განმავლობაში არ ყოფილა. ის აცხადებს, რომ „საქართველოს მოქალაქეები ევროპელებზე უფრო ევროპელები არიან და თუ ქვეყნის ხელისუფლება ამ გზას გადაუხვევს, ის შეიცვლება მეორე დღესვე“.
