გავრცელებული ინფორმაციით გრიგოლ ბესელიამ ქონებრივი დეკლარაცია მიმდინარე წლის 31 ივლისს შეავსო.
დეკლარაციაში წერია, რომ გრიგოლ ბესელიას მამის, ავთანდილ ბესელიას სახელზეა რეგისტრირებული 100 კვადრატული მეტრის ფართობის საცხოვრებელი სახლი თბილისში, ბუდაპეშტის ქუჩა #9-ში, სადაც ამჟამად ცხოვრობს ბესელიების ოჯახი. დეკლარაციაში მოხსენიებულია სოფელ ნოსირში 606 კვადრატული მეტრის ფართობის საკარმიდამო ნაკვეთი და ასევე 3529 კვადრატული მეტრის ფართობის მიწის ნაკვეთი.
დეკლარაცია არ შეიცავს მონაცემებს მისი და ოჯახის წევრების საკუთრებაში არსებული უძრავ-მოძრავი ქონების, ფასიანი ქაღალდების, საბანკო ანგარიშების და ნაღდი ფულადი თანხის შესახებ.
გრიგოლ ბესელიას “საქართველოს ბანკის” სახელფასო ანგარიშზე 3000 ლარი ერიცხება, ხოლო ამავე ბანკში ანაბარზე 65 000 დოლარი აქვს.
დეკლარაციის მიხედვით, გრიგოლ ბესელიას გლდანი -ნაძალადევის სამმართველოს უფროსის მოადგილედ მუშაობისას ხელფასის სახით აღებული აქვს 35 305.22 ლარი.
ოჯახური მდგომარეობა: დედა-დალი წეროძე; მამა-ავთანდილ ბესელია; მეუღლე- თამარ დოლიძე. ჰყავს ორი შვილი.
გრიგოლ ბესელია სამეგრელო-ზემო სვანეთის პოლიციის მთავარი სამმართველოს უფროსად დაინიშნა 13 დეკემბერს, მას შემდეგ რაც ყოფილი უფროსი, ლევან შონია მხარის გუბერნატორად იქნა წარდგენილი. აღნიშნულ თანამდებობამდე ბესელია გლდანი-ნაძალადევის სამმართველოს უფროსად მუშაობდა.
