მერიისა და გამგეობების მიერ განხორციელებული შესყიდვების გარდა ორგანიზაციების და ფიზიკური პირების განცხადებების საფუძველზე მერიის მიერ გაცემულია ნებართვა 1932 ძირი ხე მცენარის მოჭრაზე. ქალაქის რიგ უბნებში ხეების ჭრას სამსახურთან შეთანხმების გარეშე ასევე ახორციელებს ა(ა)იპ “თბილისის განვითარების ფონდი” (მაგ: აღმაშენებლის გამზირზე არსებული ჭადრები). აუდიტის სამსახურს ფონდის მიერ მოჭრილი ხეების შესახებ ინფორმაცია ვერ წარუდგინეს..
“ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ” საქართველოს კანონისა და “ქ თბილისის ტერიტორიაზე მწვანე ნარგავების მოვლისა და აღდგენის წესის დამტკიცების შესახებ” ქ თბილისის მთავრობის 2011 წლის 31 იანვრის დადგენილების შესაბამისად ქალაქის ტერიტორიაზე მწვანე ნარგავების დაზიანების, განადგურების, მოჭრის ან/და ამოძირკვის შემთხვევაში უნდა მომხდარიყო მიყენებული ზიანის ანაზღაურება, აღნიშნული კანონითა და წესით განსაზღვრული აღდგენითი ღირებულების შესაბამისად.
2010 წლის 1 იანვრიდან 2011 წლის 1 აგვისტომდე პერიოდში სხვადასხვა უცხოური და ქართული კომპანიების მიმართვების საფუძველზე, მშენებლობის მიზეზით მოჭრილია 597 ძირი ხე. აგრეთვე გაცემულია ნებართვები 539 ძირი, ავარიული და
ზეხმელი ხე-მცენარეების მოჭრაზე. მშენებლობის მიზეზით მოჭრილი ხეების ზიანის ანაზღაურებაზე მერიის მხრიდან მოთხოვნა არც ერთ შემთხვევაში არ განხორციელებულა. ხოლო ავარიული და ზეხმელი ხე-მცენარეების მოჭრისათვის, 2009-2011 წლებში, საკომპენსაციო ღირებულების თანხა მხოლოდ 32 ძირზეა მოთხოვნილი.
ამავე პერიოდში, ძირითადად ქალაქის გარე უბნებში, (თბილისის ზღვა, უნივერსიტეტის მაღლივი კორპუსი, გლდანის ნაგავსაყრელი, ვარკეთილის ქარსაცავი ზოლი, ხუდადოვის ტყე) დარგულია 22 119 ძირი სხვადასხვა სახის ხე-მცენარეები.
მერიის მიერ წარმოდგენილი მონაცემებით 2011 წლის 1 აგვისტოდან 2012 წლის 1 იანვრამდე პერიოდში მშენებლობის მიზნით (ორგანიზაციები და ფიზ.პირები) 874 ძირი ხის მოჭრის ნებართვაზე გადასახდელმა საკომპენსაციო ღირებულებამ შეადგინა 96.8 ათასი ლარი, საიდანაც გადახდილია მხოლოდ 46.8 ათასი ლარის .
ქ.თბილისის რაიონებიდან მიღებული მონაცემებით ირკვევა, რომ მერიასთან შედარებით, რაიონების მიერ გაწეული ხარჯი ერთი ხის მოჭრის, გადაბელვისა და ფორმირების სამუშაოების შესყიდვისას, რიგ შემთხვევებში 2–3–ჯერ აღემატება მერიის
მიერ გადახდილ ფასებს (რაიონების მიერ შესყიდულია 4 376 ათასი ლარის სამუშაოები).
შპს ,,მზიური აკვამ“ 29 ძირი ხის მოჭრაზე 2011 წლის სექტემბერში გაცემული ნებართვის შესაბამისი საკომპენსაციო ღირებულება -3,783 ლარი და მოქალაქე გ. ჯაფარიძემ ასევე 2011 წლის სექტემბერში გაცემული ნებართვის შესაბამისი საკომპენსაციო ღირებულება -1,050 ლარი გადაიხადეს მხოლოდ აუდიტის მიმდინარეობისას – 2012 წლის ოქტომბერ-ნოემბერში. 2011 წელს მერიისათვის მიწერილ წერილში შპს “ლისი ფო” ითხოვდა ნებართას 96 ძირი ზრდასრული წიწვოვანი ხე-მცენარეების გადარგვაზე. აღნიშნული წერილის პასუხად გამწვანების სამსახურმა ნებართვა გადარგვის ნაცვლად, გასცა ხეების მოჭრაზე. სანაცვლოდ კი კომპანიას დააკისრა საკომპენსაციო თანხის გადახდა 21.6 ათასი ლარის ოდენობით და საგაზაფხულო რგვების დროს 500 ძირი ნერგის დარგვა. დღეის მდგომარეობით საკომპენსაციო თანხა (21.6 ათასი ლარი) გადახდილია და დარგულად ნაჩვენებია 320 ძირი ხე, ხოლო დანარჩენის დარგვა იგეგმება გაზაფხულზე. დარჩენილი გადასახდელი საკომპენსაციო ღირებულება 49.9 ათასი ლარი არ არის გადახდილი, რადგან მერიის მიერ წარმოდგენილი ინფორმაციით შესაბამისი ჭრები არ განხორციელებულა.
