გაზეთის რედაქტორმა გამოიძახა პოლიცია, რედაქციის შენობასთან იმყოფებოდნენ გურიის გუბერნატორი, მისი მოადგილე, ლანჩხუთის გამგებელი, საკრებულოს თავმჯდომარე და მათი მოადგილეები, პოლიციის უფროსი.
პოლიციის დაკითხა თვითმხილველები.
მომხდარ ფაქტს ჟურნალისტი მამუკა ქანთარია ასე აღწერს:
_ ერთი საათის წინ დამირეკეს და მკითხეს, სად ვიყავი. ვუპასუხე, რომ _ სამსახურში. მოვიდნენ მანქანითკლუბ “გურიას” წარმომადგენლები, კონკრეტულად, ედიშერ ჟორდანია, ნუგზარ ცინცაძე, გიალოჩხაიძე და თემურ ალექსაია.
ედიშერ ჟორდანიამ, რომელიც იმყოფებოდა არაფხიზელ მდგომარეობაში, შემომთავაზა, ჩავმჯდარიყავი მანქანაში. არ ჩავჯექი და ვთხოვე, თვითონ გადმოსულიყვნენ მანქანიდან. შემდეგ ის გადმოვიდა მანქანიდან და გამოთქვა ჩემთვის გაუგებარიპრეტენზიები იმის შესახებ, თუ რას ვწერდი კლუბის მენეჯერებზე _ არც კი ვიცი, რას გულისხმობდა. სავარაუდოდ, ფეხბურთელების პრეტენზიების გაზეთში გამოქვეყნების გამო ჰქონდა ჩემს მიმართ წყენა. შემდეგ საუბარი გადაიზარდა სიტყვიერ შეურაცხყოფაში. თანმხლები პირები ედიშერ ჟორდანიას სთხოვდნენ, თავი შეეკავებინა.
ამის შემდეგ გაზეთის რედაქტორმა, ნონა გიგინეიშვილმა გამოიძახა პოლიცია.
მომხდართან დაკავშირებით კომენტარები გააკეთეს გუბერნატორმა, გამგებლის მოვალეობის შემსრულებელმა და მისმა მოადგილემ:
გიორგი ჩხაიძე აღნიშნულ ფაქტს გმობს და ამბობს, რომ ჟურნალისტის შეურაცხყოფისთვის ყველამ კანონის სიმკაცრით უნდა აგოს პასუხი:
_ ეს ფაქტი, თავისთავად,დასაგმობია. არავის არ აქვს უფლება, მოვიდეს ჟურნალისტთან და უსაყვედუროსსაგაზეთო წერილის გამო, შეურაცხყოფაზე აღარაფერს ვამბობ. ყველაფერს აქვს ფორმა, არსებობს კანონი, რომლის ფარგლებს არ უნდა გასცდეს არავინ. აქ ყველაზე სამწუხარო ის არის, რომ ისინი არ იყვნენ უბრალო მოქალაქეები, ისინი არიან ადამიანები, რომლებიც ბიუჯეტიდან იღებენ ხელფასს, მათი პასუხისმგებლობა გაცილებთ მაღალია. აქედან გამომდინარე, ყველამ სრული სიმკაცრით უნდა აგოს პასუხი, _ გვითხრა ჩხაიძემ.
გამგებლის მოვალეობის შემსრულებელი ზაზა ურუშაძე ამბობს, რომ დამნაშავე აუცილებლად უნდა დაისაჯოს:
_ ძალიან ცუდი ფაქტი მოხდა. კანონისწინაშე ყველა არის ვალდებული, აგოს პასუხი საკუთარ საქციელზე. რა მნიშვნელობა აქვს, ვინ იქნება _ დამნაშავე უნდა დაისაჯოს.
გამგებლის მოადგილე ვახტანგ ზენაიშვილი გმობს პრესაზე ძალადობას და ამბობს, რომ აზრის გამოხატვის თავისუფლება აუცილებლად უნდა იყოს დაცული:
_ მე და გამგებელი სამსახურში ვიყავით. როგორც კი გავიგეთ, მაშინვე წამოვედით. ადგილზე მოსულებს “დებოშიორები”არ დაგვხვედრია.
მიმაჩნია, რომ მსგავსი შემთხვევები გამოვლენისთანავე უნდა იყოს აღკვეთილი. როგორც აქ მოსვლის შემდეგ გავარკვიე, აქ მოსული ადამიანები გამოთქვამდნენ უკმაყოფილებას მამუკა ქანთარიას სტატიის გამო, მაგრამ ვრჩები იმ აზრზე, რომ გამოხატვის თავისუფლება უნდა იყოს დაცული, რაც არ უნდა მიუღებელი აზრი იყოს ეს სხვისთვის. სწორედ ეს არის ცივილიზაცია, კულტურა და ნორმა, _ გვითხრა ზენაიშვილმა.
აღნიშნულ ფაქტზე ლანჩხუთის პოლიცია მოკვლევას აწარმოებს.
იმ ფაქტს, რომ ედიშერ ჟორდანიამ ჟურნალისტმამუკა ქანთარიას შეურაცხყოფა მიაყენა, ნუგზარ ცინცაძე უარყოფს. შეგახსენებთ, რომ იგი გაზეთ “ჰო და არას: რედაქციის შენობასთან ჟორდანიასთან ერთად იმყოფებოდა:
_ მამუკა ქანთარიას არა ერთხელ ვთხოვეთ, რომ შეეწყვიტა ლანჩხუთის”გურიაზე” ცუდი სტატიების წერა, მაგრამ არ გაითვალისწინა. ედიშერ ჟორდანიამმამუკას უთხრა, რა გინდა, ბოლოს და ბოლოს, ერთხელ მაინც დაწერე ლანჩხუთის”გურიაზე” კარგი. ყველაფერმა ჩვენს კისერზე გადაიარა, ლანჩხუთის გამგებელი გვერდზე დაგვიდგა ბოლომდე, რომ ლანჩხუთის”გურია” გადარჩენილიყო და ასეთ რამეს ნამდვილად არ ვიმსახურებთო. მხოლოდ ეს უთხრა _ მას სიტყვიერი შეურაცხყოფა ქანთარიასთვის არ მოიუყენებია.
რაც შეხება ჩვენს შემდგომ ნაბიჯებს, მინდა ვთქვა, რომ თუ აქამდე ვჩერდებოდით ლანჩხუთელობის, მეზობლობის, მეგობრობის ხათრით, აწი აღარ გავჩერდებით. აუდიტის დასკვნას, რომელიც კლუბის დირექტორის დამ პირადი სახსრებით ჩაატარა, ხვალვე ჩემი ხელით მივიტან პროკურატურაში. “თაგვმა თხარა, თხარაო”, ისე დაემართებათ _ რადგან არ ჩერდებიან, ჩვენც აღარ დავთმობთ, _ გვითხრა ნუგზარ ცინცაძემ.
მამუკა ქანთარია (შუაში)
გუბერნატორი და მისი მოადგილე შემთხვევის ადგილზე
