სამინისტროს ტერიტორიული ორგანოს _ საგანმანათლებლო რესურსცენტრის უფროსის ვაკანტური თანამდებობის დაკავების მიზნით.
24 რესურსცენტრს შორის, სადაც განმეორებითი კონკურსი გაიმართება, არის აბაშაც. მიიღებს თუ არა აბაშის რესურსცენტრის დირექტორობის დროებით მოვალეობის შემსრულებელი განმეორებით კონკურსში მონაწილეობას, რამდენ კანდიდატია დარეგისტრირებული კონკურსზე და რა გახდა აბაშაში ხელახალი კონკურსის ჩატარების მიზეზი _ ამ საკითხებზე აბაშის რესურსცენტრის დირექტორობის მოვალეობის შემსრულებელს, სალომე თოფურიას ვესაუბრეთ.
_ მიიღებთ მონაწილეობას განმეორებით კონკურსში?
_ არ მაქვს ჯერ გადაწყვეტილი, 16 ივნისამდე ჯერ კიდევ არის დრო. კიდევ მოფიქრების პროცესში ვარ. ახლა საკვალიფიკაციო მოთხოვნებში დაამატეს თანამდებობაზე 2-წლიანი მუშაობის გამოცდილება და აუცილებლად უნდა იქნეს მითითებული რეკომენდატორი თავისი რეკომენდაციით. ამასთან დაკავშირებით ჯერ ჩამოყალიბებული პოზიცია არ მაქვს. ვფიქრობ, ვცადო, მაგრამ თუ განაცხადი დაწუნებული იქნა, შესაბამისად ტესტირებაზე ვერ გავალ.
_ თქვენ ყველაზე მეტი ქულა დააგროვეთ აბაშელ კანდიდატებს შორის. რატომ გახდა საჭირო ხელახალი კონკურსი?
_ კონკურსი იყო სამ ეტაპიანი _ კანდიდატების არჩევა მონაცემების მიხედვით, ტესტირება და გასაუბრება. ამ ორი საფეხურის შედეგებით გამოვლინდებოდა გამარჯვებული. მარტო ტესტის ჩაბარება არ ნიშნავს, რომ კონკურსი გადალახული გაქვს, თუ არ გადალახე საფინალო გასაუბრების ტური. გასაუბრების ტურში ვერ გამოვლინდა ვერც ერთი გამარჯვებული აბაშაში და შესაბამისად გაბათილდა შედეგებიც. სწორედ ამიტომ დაინიშნა ახალი კონკურსი. სულ საქართველოში ასეთი 24 რესურსცენტრია, სადაც ახალი კონკურსი ჩატარდება და მათ შორის აბაშის რაიონის რესურსცენტრიც.
_ ტესტირების შედეგად, თქვენ გქონდათ ყველაზე მაღალი ქულა და გადალახეთ ბარიერი. მეორე კონკურსანტს, მერაბ მიგინეიშვილს 1 ქულა დააკლდა. რა მოხდა მერე _ რამდენადაც ვიცით, მერაბ მიგინეიშვილი გასაუბრებაზე დაუშვეს.
_ პირველად ბატონ მერაბს 59 ქულა ჰქონდა, მაგრამ მერე გაასაჩივრა, ტესტი გადაიხედა, აღმოჩენილი იქნა ხარვეზები და ქულა მოემატა, ამის შედეგად გადალახა ბარიერი და გადავიდა გასაუბრებაზე.
_ რამდენი კანდიდატია ახალ კონკურსში?
_ ჩვენ ჯერ წვდომა არ გვაქვს ბაზასთან. პირველი ეტაპია გადასალახი, ე.ი. მონაცემთა გადახარისხება და ვინც ტესტირებაზე გადავა, ის იქნება ცნობილი. სხვამ ვინ შეიტანა განაცხადი, ამას ვერ გავიგებთ. 15-ში არის განაცხადების შეტანის ბოლო ვადა და, ალბათ, უკვე 20 ივნისისთვის იქნება ცნობილი, ვინ მიიღებს ტესტირებაში მონაწილეობას.
_ თუ მოხდა ისე, რომ მოგიხდათ თანამდებობასთან დამშვიდობება, გული არ დაგწყდებათ?
_ არც ვფიქრობ განსაკუთრებულად ამაზე. მუდმივი არაფერია და ეს ჩვეულებრივი პროცესია. რა ვიცით, შეიძლება უფრო წარმატებული გზა მელოდება მომავალში.
