როცა ლანჩხუთის მუნიციპალიტეტის გამგებელი ზაზა ურუშაძე საკრებულოს სხდომაზე ა(ა)იპ-ებში გასახორციელებელი რეორგანიზაციების ეფექტურობაზე საუბრობდა, იქვე იმასაც დასძენდა, რომ ეს სამსახურები გამგეობიდან სახლში გაშვებული ხალხის თავშესაფრად იყო ქცეული.
ახლახან, რეორგანიზაციის შედეგად, სკოლამდელ სააღმზრდელო ცენტრში ზონის კურატორები დაინიშნენ. ერთ-ერთ, კონკრეტულად კი ცენტრალურ ზონას კურატორობას გვანცა ჩხარტიშვილი გაუწევს. ჩხარტიშვილი მანამდე ნინოშვილის ტერიტორიული ერთეულის რწმუნებული გახლდათ. ჩვენი ინფორმაციით, მოსახლეობა უკმაყოფილო იყო მისი მუშაობით და მუნიციპალიტეტის გამგებელი იძულებული შეიქნა, ის შოთა ტუღუშით შეეცვალა.
ამ ფაქტმა საზოგადოებაში კითხვა გააჩინა _ გახდა თუ არა გვანცა ჩხარტიშვილისთვის აღნიშნული ა(ა)იპ თავშესაფარი, რასაც მუნიციპალიტეტის გამგებელი სხვების შემთხვევაში მიუღებლად მიიჩნევდა.
