“გურია ნიუსის” ჟურნალისტური გამოძიებით ფინანსური პოლიცია დაინტერესდა _ გამოძიება უკვე დაწყებულია

ჩოხატაურის მუნიციპალიტეტის გამგეობაში ფინანსური პოლიცია შევიდა. საგამოძიებო უწყება "გურია ნიუსის" ჟურნალისტური გამოძიების მასალებით დაინტერესდა, რომელიც 

მიმდინარე წლის ზაფხულში გარემონტებულ ბაღებს ეხება:

_ დოკუმენტაცია წაიღეს, მეტს ვერაფერს გეტყვით, _ აღნიშნა ჩვენთან საუბრისას ჩოხატაურის მუნიციპალიტეტის გამგებელმა ირაკლი კუჭავამ.

შეგახსენებთ, რომ ჩოხატაურის მუნიციპალიტეტსა და შპს "შემოქმედმშენს" შორის #160 ხელშეკრულება 2014 წლის 11 ივნისს გაფორმდა.

ხელშეკრულების თანახმად, რომელსაც ხელს გამგებლის მოვალეობის აწ უკვე ყოფილი შემსრულებელი და დღეს გამგებლის მოადგილე თამაზ ჯინჭარაძე აწერს, #1 ბაგა-ბაღის, #2 ბაგა-ბაღის, სოფელ ამაღლების საბავშვო ბაღის, სოფელ იანეულის საბავშვო ბაღის და სოფელ სამების საბავშვო ბაღის სარეაბილიტაციო სამუშაოები უნდა გახორციელებულიყო. ამ სამუშაოებისთვის "შემოქმედმშენს" 181 111 ლარი ჰქონდა გამოყოფილი.

აღნიშნული ხელშეკრულების ფარგლებში ჩატარებულ სამუშაოებზე საბოლოო მიღება-ჩაბარების აქტი 2014 წლის 25 აგვისტოს შედგა. ინსპექტირების ჯგუფმა, რომელშიც ხუთი წევრია (ვლ. ლომთათიძე, ნ. სიხარულიძე, გ. ბერძენიშვილი, გ, სიმონია. ი. მეგრელიშვილი) დაადგინა, რომ #160 ხელშეკრულებით გათვალისწინებული ყველა სამუშაო ჩაბარებულია.

კომისიას არანაირი შენიშვნა შესრულებულ სამუშაოებთან დაკავშირებით არ ჰქონია.

აღსანიშნავია რომ ე.წ. გარემონტებული ბაღებიდან, ერთ-ერთი შენობა ეკონომიკის სამინისტროს ბალანსზეა, მეოერე კი კერძო პირს ეკუთვნის.

ამავე თემაზე: "რეაბილიტაცია" ჩვენებურად _ ბაღების სკანდალი გრძელდება; როგორ ხდება ადგილობრივ თვითმმართველობაში "რეაბილიტირებული" ობიექტების ჩაბარება; საგამოძიებო ფილმი _ როგორ გაარემონტეს არსებული და არარსებული ბაღები