პრემიერ-მინისტრის პრესსამსახურის ინფორმაციით, საქართველო ღვინით ვაჭრობის მსოფლიო ჯგუფის ( WWTG) თავმჯდომარე ქვეყანა გახდა, რომელსაც ერთი წლის განმავლობაში უხელმძღვანელებს.
ქვეყაში, სადაც ქვევრის ღვინის დაყენების უძველეს ქართულ ტრადიციულ მეთოდს იუნესკოს არამატერიალური კულტურული მემკვიდრეობის ძეგლის სტატუსი აქვს, მალე ღვინის მუზეუმიც დაარსდება.
ამის შესახებ მთავრობის ადმინისტრაციაში გამართულ შეხვედრაზე გუშინ იმსჯელეს, რომელსაც ღვინის კულტურის ცივილიზაციის ფონდის დამფუძნებელი სანტიაგო ვივანკო ესწრებოდა.
მსოფლიოში ცნობილი ვივანკოს დინასტიის წარმომადგენელმა საქართველოს პრემიერ-მინისტრ ირაკლი ღარიბაშვილს მუზეუმის იდეასთან დაკავშირებით საკუთარი ხედვა გააცნო.
სანტიაგო ვივანკო გამოთქვამს მზაობას, მონაწილეობა მიიღოს საქართველოში ღვინის მუზეუმის განხორციელების პროექტში.
"ჩემთვის ძალზე სასიამოვნოა ღვინის მწარმოებელ ქვეყანაში სტუმრობა. მოხარული ვარ, მხარი დავუჭირო ისეთ მნიშნვნელოვან პროექტს, როგორიცაა ღვინის მუზეუმი საქართველოში, რადგანაც თქვენი ღვინო მსოფლიო ღვინოების მამაა. ვფიქრობ, ყველა ადამიანმა, ვისაც ღვინო უყვარს, უნდა მოინახულოს საქართველო," _ განაცხადა სანტიაგო ვივანკომ შეხვედრის დასრულების შემდეგ.
