“სიმინდის კუნძულის” კიდევ ერთი წარმატება

ლუქსორის ეგვიპტურ და ევროპულ კინო-ფესტივალზე "სიმინდის კუნძულმა" ვერცხლის ჯედი მოიპოვა.

დასრულდა ლუქსორის ეგვიპტური და ევროპული კინო-ფესტივალი, სადაც "სიმინდის კუნძული"  სრულმეტრაჟიანი მხატვრული ფილმების კონკურსში მონაწილეობდა. გიორგი ოვაშვილის ფილმა ჟიურის სპეციალური ჯილდო – ვერცხლის ჯედი მოიპოვა.

ოქროს ჯედი ანდრეი ზვიაგინცევის ფილმს – "ლევიათანს"  ერგო, ბრინჯაოს ჯედი კი – ბრიტანელ რობი ბრაუნის "თექვსმეტს" ერგო. 

ფესტივალის ოფიციალური ჯილდო – ჯედი – ეგვიპტური მითოლოგიის ერთ-ერთი უძველესი და  ხშირად გამოყენებადი ფიგურაა. იეროგლიფებით გაფორმებული, სვეტის ფორმის სიმბოლო სიმტკიცისა და გამძლეობის გამომხატველია. ჯედის შექმნა ცეცხლის ღმერთ – პტას და მიცვალებულთა მფარველი ღმერთის – ოსირისის სახელებს უკავშირდება.

ლუქსორის ეგვიპტური და ევროპული კინო-ფესტივალი 24-31 იანვარს გაიმართა. ის ყოველწლიური, ეგვიპტის კულტურის სამინისტროს მიერ ორგანიზებული ფესტივალია.

ფესტივალის მიზანია ეგვიპტური და ევროპული კინომატოგრაფიისა და აუდიო-ვიზუალური საქმიანობის ერთმანეთში გაცვლა.