იმერეთის ახალ გუბერნატორი გივი ჭიჭინაძე ერთ-ერთია თანამდებობის პირებს შორის, რომლის დეკლარაციაში ფინანსები მითითებული საერთოდ არ არის.
დეკლარაცია გივი ჭიჭინაძემ 2014 წლის 3 ოქტომბერს, ვაკის რაიონის გამგებლობის დროს შეავსო.
დეკლარაციის მიხედვით, გივი ჭიჭინაძე ფლობს თბილისში, ვაჟა-ფშაველასა (57.00 კვ.მ.) და ალ. ყაზბეგის გამზირზე (150 კვ.მ.) მდებარე ბინებს.
ასევე, 100%-იანი წლის მფლობელი ადიგენის რაიონის დაბა აბასთუმანში მდებარე მიწის ნაკვეთის, რომლის ფართობიც 227.00 კვ.მ.-ია. ჭიჭინაძე ადიგენში, რუსთაველის ქუჩაზე ასევე ფლობს 30.00 კვ.მ-ის ბინას.
მის საკუთრებაშია საცხოვრებელი სახლი ამბროლაურის რაიონის, სოფელ ქვემო თლუღში, რომლის ფართობი – 160.00 კვ.მ.-ია, თუმცა დეკლარაციის მიხედვით, სახლის 50%-იან წილის თანამესაკუთრე ირაკლი ჩლაიძეა.
რაც შეეხება ჭიჭინაძის მეუღლის, მაია სოხაძე ჭიჭინაძის ფინანსურ მდგომარეობას, დეკლარაციის მიხედვით, ის თბილისი, ვაჟა-ფშაველას გამზირზე მდებარე 54.00 კვ.მ-ისა და 30.00 კვ.მ.-ის ფართობის ბინების 100%-იანი წილის მფლობელია.
მოძრავი ქონების გრაფაში გივი ჭიჭინაძეს ასევე მითითებული აქვს, რომ ის ფლობს ავტომისაბმელ grand vitara-ს.
დეკლარაციის შევსების მომენტში გივი ჭიჭინაძის სახელფასო ანგარიშზე „ლიბერთი ბანკში“ 0.00 ლარი ირიცხებოდა. მას ასევე არ ჰქონდა ნაღდი ფულადი თანხაც.
რაც შეეხება მის შემოსავალს, დეკლარაციის მიხედვით, 2013 წელს მან გრანტის სახით 3000.00 ლარი აიღო.
