რამდენია სამინისტროების საზოგადოებასთან და პრესასთან ურთიერთობის სამსახურების, სამმართველოებისა და დეპარტამენტების ხელმძღვანელთა შემოსავალი?
6 სამინისტროდან ყველაზე მაღალანაზღაურებადი საზოგადოებასთან ურთიერთობის დეპარტამენტის უფროსი, შს სამინისტროს ჰყავს. აღნიშნულ პოზიციაზე მუშაობისთვის ნინო გიორგობიანმა გასული წლის პირველი იანვრიდან 31 დეკემბრის ჩათვლით 69 806.00 ლარი აიღო.
ანუ, გიორგობიანის ხელფასი, საშუალოდ, 5 817 ლარს შეადგენს.
აღნიშნულ პოზიციას ის 2012 წლიდან იკავებს, ბოლო დეკლარაცია კი 2015 წლის 2 თებერვალს აქვს შევსებული.
იუსტიციის სამინისტროს პრესისა და საზოგადოებასთან ურთიერთობის დეპარტამენტის უფროს მარიამ სხილაძეს, რომელიც აღნიშნულ პოზიციაზე 2012 წელს დაინიშნა, 2015 წლის 17 თებერვალს შევსებულ დეკლარაციაში მითითებული აქვს, რომ სამუშაოს შესრულებით წინა წლის პირველი იანვრიდან 31 დეკემბრის ჩათვლით 56 205.00 ლარი აქვს მიღებული. ანუ, ყოვეთვიურად მისმა შემოსავალმა, საშუალოდ, 4 683.75 ლარი შეადგინა.
საქართველოს სასჯელაღსრულებისა და პრობაციის სამინისტროს მასმედიასთან ურთიერთობის სამმართველოს უფროსის მოვალეობის შემსრულებელმა თაია მახარაშვილმა (მან დეკემბერში დატოვა დაკავებული პოზიცია), რომელიც 2014 წლის იანვრიდან მუშაობდა აღნიშნულ თანამდებობაზე, 2015 წლის 9 მარტს შევსებული დეკლარაციის მიხედვით, სამუშაოს შესრულებით წინა წლის პირველი იანვრიდან 31 დეკემბრის ჩათვლით 25 146.00 ლარი მიიღო. ანუ, ყოველთვიურად მისმა შემოსავალმა, საშუალოდ, 2 065.50 ლარი შეადგინა.
საქართველოს გარემოსა და ბუნებრივი რესურსების დაცვის სამინისტროს საზოგადოებასთან ურთიერთობის სამსახურის უფროსის მოვალეობის შემსრულებელ ეკა ბენდელიანს, ბოლო დეკლარაცია 2015 წლის 12 იანვარს აქვს შევსებული.
დეკლარაციის მიხედვით, მან სამუშაოს შესრულებით წინა წლის პირველი იანვრიდან 31 დეკემბრის ჩათვლით 30 580.00 ლარი მიიღო. ანუ, მისი ყოველთვიური ანაზღაურება, საშუალოდ, 2 548 ლარს შეადგენს.
საქართველოს განათლებისა და მეცნიერების სამინისტროს საზოგადოებასთან ურთიერთობის დეპარტამენტის უფროსმა ნატა ასათიანმა, სამუშაოს შესრულებით წინა წლის პირველი იანვრიდან 31 დეკემბრის ჩათვლით 25 200.00 ლარი აიღო. ანუ, მისმა ყოველთვიურმა შემოსავალმა, საშუალოდ, 2 100 ლარი შეადგინა.
საქართველოს ეკონომიკისა და მდგრადი განვითარების სამინისტროს საზოგადოებასთან ურთიერთობის დეპარტამენტის უფროს თეა ბოლქვაძის ანაზღაურებამ, სამუშაოს შესრულებით წინა წლის პირველი იანვრიდან 31 დეკემბრის ჩათვლით 59 300.00 ლარი შეადგინა. ანუ, მისი ყოველთვიური შემოსავალი, საშუალოდ, 4 941 ლარია.
საქართველოს შრომის, ჯანმრთელობისა და სოციალური დაცვის სამინისტრო, მასმედიასთან და საზოგადოებასთან ურთიერთობის დეპარტამენტის უფროსის, თამარ ბოდოკიას შემოსავალმა, სამუშაოს შესრულებით წინა წლის პირველი იანვრიდან 31 დეკემბრის ჩათვლით, 56 095.00 ლარი შეადგინა. ანუ, მისი ყოველთვიური შემოსავალი, საშუალოდ, 4 674 ლარია.
