საპარლამენტო უმრავლესობის დეპუტატი თინა ხიდაშელი, გუშინ, საერთაშორისო გამჭირვალობის მიერ გამოქვეყნებულ მასალას ეხმაურება, სადაც საუბარი იყო ყოფილი პრემიერის, ბიძინა ივანიშვილის მხრიდან მის კომპანიებში დასაქმებული პირების დაწინაურებაზე.
"დღეს რამდენიმე ჟურნალისტს პირობა მივეცი საერთაშორისო გამჭვირვალეობის დღეს გამოქვეყნებულ ე.წ კვლევაზე ფბ-ზე შევეხმიანები თქო და მიუხედავად იმისა რომ მთელი დღე ტყუილად მდიეს, ინტერვიუ ინტერვიუზე წერეს და მერე არაფერი გაუშვეს მე მაინც ჩემს პირობას შევასრულებ.
თუმცა ეხლა თავიდან ბოლომდე წავიკითხე ეს 2 გვერდიანი კვლევა და სიმართლე გითხრათ პირობა რომ არ მომეცა თქვენთვის არც კი მივუბრუნდებოდი.
ასე საიდან დავიწყო თავიდან თუ ბოლოდან, თუ სჯობს თავი და ბოლო გავაკეთოთ და შუა ნაწილიდანაც რამდენიმეს შევეხოთ. ყველას ნამდვილად არ ვიცნობ და შესაბამისად ყველაზე ვერ დავწერ.
რა გავიგეთ ამ კვლევიდან.
1. გავიგეთ, რომ მაგალითად, პრემიერი ღარიბაშვილი ივანიშვილის კომპანიიდან მოსულა smile emoticon
კი ბატონო. მართალია.
მაგრამ სამართლიანობისთვის უნდა ითქვას რომ ეს ის ამონაკლისია სადაც "კვლევის" ავტორებს თავად უწერიათ რომ საარჩევნო კამპანიის დროსაც იყოვო და ამიტომ, როგორც ჩანს გაქვითეს. კი ბატონო. პირველი დღიდან ღარიბაშვილი კამპანიაში იყო ჩართული და საერთოდაც ასე ხდება, ადამიანები ერთმანეთს ბრძოლაში მიყვებიან ხოლმე. ეს ჩვეულებრივი რამ არის.
ივანიშვილმა გააკეთა განცხადება პოლიტიკაში წასვლაზე და მასთან ერთად წამოვიდნენ მისი გუნდის წევრებიც.
2. სხვათა შორის მაია ცქიტიშვილიც პირველი დღიდან ჩვენთან ერთად იყო კამპანიაში და ისევე როგორც სხვა ადამიანების შესახებ არ იცით, არც მაიკოს შესახებ გეციდენობდათ არაფერი ადმინისტრაციის უფროსი რომ არ გამხდარიყო.
3. ჰოი საოცრებავ, კიდევ გავიგეთ რომ ნიდარ ჯავახიშვილიც ივანიშვილის კადრია და მისი ჩრდილოვანი მმართველობის დასტური. აბა ვინ იცოდა ვინ იყო ნოდარ ჯავახიშვილი "ქართუმდე"?
ნუ ეხლა სმაილიკის ნაცვლად სხვა რა დავწერო აქ არ ვიცი.
4. ძალიან ახალგაზრდა უნდა იყოს მკვლევარი, ვინაიდან თუ ქართუმდე ნოდარ ჯავახიშვილი არ ახსოვს, ბუნებრივია გიორგი კვირიკაშვილი არ ახსოვდეს. ის კიდევ მთლად წარღვნამდე იყო ქართულ პოლიტიკაში.
ეხლა ბოლოში გადავინაცვლებ.
ისე ან ზევით ნახსენებ თანამდებობეთან ან შემდეგ ორთან ბიუროკრატია – მერიტოკრატია რა შუაშია სრულიად გაუგებარია, მაგრამ ახალგაზრდობით ვაპატიოთ მკვლევრს და "გავქვითოთ".
მაშ ასე:
5. კვლევით გავიგეთ რომ გიორგი ფრუიძე ნათია ლაზაშვილის ქმარია, ნათა ლაზაშვილი ბიძინა ივანიშვილთან დაახლოებული და შესაბამისად, ბიუროკრატია-მერიტოკრატიას გვერდი ავუარეთ და მისი ჩრდილით დაბრმავებულებმა ივანიშვილთან დაახლოებული ლაზაშვილის ქმარი ავირჩეით კომუნიკაციების კომისიაში.
ნეტავ უნდა ავხსნა?
მაინც ცოტას ავხსნი, სულ ცოტას.
გიორგი ფრიუძე კომუნიკაციების კომისიის წევრი მანამდეც იყო, ნუ ეხლა ნათიამდე-თქო ვერ ვიტყვი მაგრამ ლაზაშვილი-ივანიშვილის დაახლოებამდე ნამდვილად. ხოდა მერე ასე 400 გვერდიანი ანგარიში დავწერე პარლამენტის საგამოძეიბო კომისიაში და იქ წაიკითხავთ დანარჩენს, მერე რატომ და როგორ აღარ იყო და რა კავშირი აქვს მის საქმიანობას და პროფესიონალიზმს კომისიასთან.
6. კახა ბექაურიო და სრული ჭეშმარიტებაა, მეცხრეზე იყო კახა და მისი ცოლი ნამდვილად. ოღონდ აქაც მგონი ისევ ასაკის და ახალაგაზრდობის პრობლემაა, დანარჩენი არ გვახსოვს.
7. დაგპირდით შუაშიც მივალ-თქო და ა ბატონო, კარლო სიხარულიძეო, ალბათ კახა სიხარულიძეზეა საუბარი და ისევ ასაკის პრობლემა გვაქვს, მაგრამ ერთი კია, ამ ადამიანების შესახებ კვლევის დროს მეცხრეში მისი სამსახური ასეთი ადვილი მისაგნები თუ აღმოჩნდა მანამდე ელჩი რომ იყო, საგარეოში რას საქმიანობდა და ასეთები იმ კვლევის პორტალმა როგორ ვერ იპოვა ეს გამკვირვებია მხოლოდ.
ისევ მაღალი თანამდებობის პირებს მინდა ბოლოს მივუბრუნდე. ბიძინა ივანიშვილმა პოლიტიკაში მოსვლა გადაწყვიტა. მასთან ერთად წამოვიდნენ ის ადამიანებიც ვინც მის გვერდით იყვნენ და ბრძოლაში გამოყვნენ. მერე ის საოცარი, ქვას და ტყვიას რომ გვესროდნენ ერთ წელი ერთად გავიარეთ და ამ ადამიანების ერთი ნაწილი ხელისუფლების ნაწილი გახდა ზუსტად ისევე როგორც ყველა სხვა დანარჩენი და რომელი ასპექტშია ეს ყველაფერი გაუგებარი? გასასკანდალებელი? რასთან შეადარეთ? რას მიუსადაგეთ? როდესაც მსგავს კვლევას აქვეყნებ მისი არსი ხომ უნდა ჩანდეს? აქ თავში ვკითხულობთ ივანიშვილის გავლენას ადასტურებსო და რომელ ასპექტში და ვინ როდის უარყო ივანიშვილის გავლენა? რად უნდა ამას კვლევა და უხერხულ მდგომარეობაში საკუთარი თავის ჩაყენება რომ ნოდარ ჯავახიშვილი მინისტრი იმიტომ გახდა რომ ივანიშვილის ქართუს ხელმძღვანელობდა და ამით მისი გავლენა დადასტურდაო, ან გიორგი თოდუას მამა ივანიშვილის კომპანიაში მუშაობდა?
და რა ვიცი აბა, რაღა დავწერო.
როგორ შევხედო სერიოზულად ამ დასკვენებს და ექსპერტიზებს."
