სპორტისა და ახალგაზრდობის საქმეთა აწ უკვე ყოფილმა მინისტრმა ლევან ყიფიანმა თანამდებობა გუშინ დატოვა. თუმცა, თანამდებობის დატოვების მიზეზების განმარტებამდე საზოგადოებას გაწუელი მუშაობის ანგარიში ჩააბარა:
_ 2012 წლის ნოემბერში სპორტისა და ახალგაზრდობის საქმეთა სამინისტროში შემოსვლისთანავე ჩვენ სამუშაო პრინციპებად განვსაზღვრეთ უწყებათაშორისი თანამშრომლობა (სამინისტროებთან და ასევე ადგილობრივ თვითმმართველობებთან); სამინისტროს ხელმისაწვდომობა და ახალგაზრდების მაქსიმალური ჩართულობა გადაწყვეტილების მიღების პროცესში ; ინოვაციურობა.
სახელმწიფო ახალგაზრდული პოლიტიკა მიღებულია უწყებათაშორისი საბჭოს მიერ, რომელშიც შედის ყველა სამინისტრო მინისტრის მოადგილეების დონეზესახელმწიფო ახალგაზრდული პოლიტიკის სამოქმედო გეგმა, რომელიც მიღებულია უწყებათაშორისი საბჭოს მიერ. რეგულარული შეხვედრების ტრადიცია მუნიციპალიტეტების შესაბამის ახალგაზრდულ სამსახურებთან და კონკრეტული წინადადებები მუშაობის კოორდინაციისათვის.
ახალგაზრდული ორგანიზაციების წინადადებები როგორც პოლიტიკის დოკუმენტზე, ასევე სამოქმედო გეგმაზე; კონკრეტული რეკომენდაციები ახალგაზრდული ორგანიზაციებისაგან სამინისტროს პროექტებზე, რომელიც აუცილებლად იქნება გათვალისწინებული; ახალგაზრდულ ორგანიზაციებთან ურთიერთობის ინსტიტუციური გამყარება -ახალგაზრდული ორგანიზაციების ბაზა, რომლის მეშვეობითაც მათ მყისიერად ელექტრონული ფოსტისა და სატელეფონო გზავნილის საშუალებით მიეწოდებათ ინფორმაცია, _ აღნიშნა ყიფიანმა.
მისივე თქმით, საამაყო ბევრი აქვს:
_ ახალგაზრდული პროექტების აბსოლუტური უმრავლესობა ახალია და რითიც შეგვიძლია ვიამაყოთ არის ის რომ ატარებს წარწერას "დამზადებულია საქართველოში". ჩვენ შევძელით, რომ სამინისტრო გვექცია პროგრესული იდეების ცენტრად. იდეური გარდატეხა იყო, როდესაც ციხეში ძალადობა ჩავანცვლეთ რაგბით, ფეხბურთით და არაფორმალური განათლებით. ახალგაზრდა ელჩების პროექტი, რომელმაც დაანახა ახალგაზრდებს, რომ ისინი სახელმწიფოს სჭირდება და ჩართო სახელმწიფოებრივ საქმეში. პროფესიული ორიენტაცია, რომელსაც უკვე 10 0 000 მდე მომხმარებელი ყავს და ინოვაციური ფორმით ეხმარება სწორი პროფესიული არჩევანის გაკეთებაში. სტუდენტური თვითმმართველობების რეფორმის პროცესი და მათი გაერთიანება პროგრესული იდეების გარშემო. დავიწყეთ სრულიად ახალი მიმართულების – სოციალური მეწარმეობის დაფინანსება, რომლის საშუალებითაც დედაქალაქსა და საქართველოს სხვადასხვა რეგიონში გაიხსნა 8 საწარმო გაიხსნა და ახალგაზრდები დასაქმდნენ.ა ხალგაზრდულ მიმართლებაზე საუბარი საათობით შეიძლება, მაგრამ ამ ფორმატში უბრალოდ ვიტყვი იმას, რომ ჩვენ შევძელით ის რომ ნებისმიერმა ახალგაზრდამ იცის რომ ეს მისი სამინისტროა და რომ საჯარო ხელისუფლება მისი მსახურია და არა პირიქით. მე ვამაყობ იმით, რომ სამინისტრომ არაერთხელ დაიცვა თავისუფლების იდეა და ემსახურა დემოკრატიულ ღირებულებებს, _ განაცხადა ყიფიანმა.
მისივე თქმით, ორი წლის განმავლობაში ეტაპობრივად გაიზარდა სპორტის დაფინანსება. 2013-2014 წლებში სპორტის მხარდაჭერისთვის სახელმწიფომ სამინისტროს ჯამში 96,3 მილიონი ლარი გამოუყო; ასევე გაიზარდა სპორტსმენთა პრემირებისა და სტიპენდირების პროგრამები. გაიზარდა სპორტის სახეობათა განვითარების პროგრამების ბიუჯეტი. ჩამოყალიბდა სპორტის სახელმწიფო მართვის ახალი სისტემა, რომლის ფარგლებშიც გაიზარდა სპორტული ფედერაციების დაფინანსება და განხორციელდა მასობრივი სპორტის განვითარების მრავალი პროექტი.
2013-2014 წლებში შეიქმნა სპორტსმენთა ხელშეწყობის სახელმწიფო მიზნობრივი პროგრამა, რომლის ფარგლებშიც, სპორტისა და ახალგაზრდობის საქმეთა სამინისტრომ ორი წლის განმავლობაში 8,4 მილიონამდე ლარი გასცა. სპორტის სფეროში დამსახურებულ მოღვაწეთა და სპორტსმენთა სოციალური უზრუნველყოფისთვის კი დახარჯულია 9,1 მილიონამდე ლარი, როცა 2012 წლამდე წლიურად გამოყოფილი იყო მხოლოდ 2,5 მილიონი ლარი.
_ შემუშავდა სპორტული ინფრასტრუქტურის განვითარების სამოქმედო გეგმა, რომლის ფარგლებში ქვეყნის სპორტულ ინფრასტრუქტურას შეემატება ოლიმპიური აუზი და თბილისის სპორტის სასახლე, 2015 წლის ოლიმპიური ფესტივალის ფარგლებში გარემონტდა და აშენდა 10-მდე სპორტული ობიექტი, იწყება ბათუმისა და თელავის სპორტის სასახლეების პროექტირების სამუშაოები, ფალავანთა კლუბის რემონტი, რეაბილიტაცია უტარდება ფოთის, წყალტუბოსა და ზუგდიდის სტადიონებს, სრულდება ზუგდიდის ყინულის სასახლის მშენებლობა, ქვეყნის 38 მუნიციპალიტეტში დამონტაჟდა სავარჯიშო მოწყობილობები და ა.შ. მსგავსი სპორტული ობიექტების მშენებლობა, როგორიც 2013 წლიდან მიმდინარეობს საქართველოში, უკანასკნელი 25 წელის მანძილზე არ განხორციელებულა.
სწორედ ამ ყველაფრის შედეგია, რომ ბოლო 2 წლის განმავლობაში 60%-ზე მეტით გაიზარდა სპორტის სხვადასხვა სახეობაში მოვარჯიშე პირთა რაოდენობა.
ამ პერიოდში ქართველმა სპორტსმენებმა მონაწილეობა მიიღეს 178 საერთაშორისო სპორტულ ასპარეზობაში.
2013 წელს ქართველმა სპორტსმენებმა ოლიმპიურ და არაოლიმპიურ სპორტის სახეობებში მოიპოვეს 412 მედალი, 2014 წელს – 541 მედალი; შეიქმნა სპორტული ინფრასტრუქტურის მონაცემთა ერთიანი ბაზა; დაფუძნდა ფიზიკური აღზრდისა და სპორტის სახელმწიფო სასწავლო უნივერსიტეტი და ფიზიკური აღზრდისა და სპორტის საზოგადოებრივი კოლეჯი; ასევე აღსანიშნავია, რომ ამ ორი წლის მანძილზე საქართველომ შემდეგი საერთაშორისო სპორტული ღონისძიებების მასპინძლობის უფლება მოიპოვა: 2014 წელი – გრან-პრი ქალთა ჭადრაკში; 2014 წელი – თბილისის გრან-პრი ძიუდოში; 2014 წელი – ევროპის ახალგაზრდული ჩემპიონატი წყალბურთში; 2014 წელი -ევროპის ახალგაზრდული ჩემპიონატი ფარიკაობაში; 2015 წელი- 16-წლამდელთა საჭადრაკო ოლიმპიადა; 2015 წელი – ევროპის ჩემპიონატი ძალოსნობაში; 2015 წელი – მსოფლიო ჩემპიონატი ბიატლსა და ტრიატლში; 2016 წელი- ევროპის ჩემპიონატი კარატეში; 2016 წელი – ევროპის ახალგაზრდული ჩემპიონატი მძლეოსნობაში; 2017 წელი – ხელბურთის ახალგაზრდული მსოფლიო ჩემპიონატი; 2017 წელი – მსოფლიო თასი ჭადრაკში ვაჟებს შორის; 2018 წელი – საჭადრაკო ოლიმპიადა, _ განაცხადა ყიფიანმა, რომლის განმარტებით გასულ ორ წელიწადში ქართულმა სპორტმა საერთაშორისო მასშტაბით მრავალ სპორტულ წარმატებებს მიაღწია:
_ პირველად 2007 წლის შემდეგ საქართველოს ჰყავს მსოფლიოს ჩემპიონი ოლიპიურ სახეობაში – ავთანდილ ჭრიკიშვილი (ძიუდო); 2013-2014 წლებში – 12 მსოფლიო ჩემპიონი, 21 ევროპის ჩემპიონი; 2013-2014 წლებში უფროსი ასაკის სპორტსმენებს შორის ოლიმპიურ და არაოლიმპიურ სახეობებში ევროპის და მსოფლიოს ჩემპიონატებზე ჯამში მოპოვებულია 32 ოქროს მედალი.
2013-2014 წლები ქართველი სპორტსმენების მონაგარი საერთაშორისო ასპარეზზე – 953 მედალია, მათ შორის – 324 ოქრო, 269 ვერცხლი და 360 ბრინჯაო.
საქართველოს მორაგბეთა ნაკრებმა ზედიზედ მეოთხედ მოიგო ევროპის ერთა თასი და ასევე ზედიზედ მეოთხედ გავიდა 2015 წლის მსოფლიო თასზე.
2014 წლის ივლისში – საქართველოს წყალბურთელთა ნაკრებმა პირველად იასპარეზა ევროპის ჩემპიონატის ფინალურ ეტაპზე 12 საუკეთესო გუნდს შორის.
2014 წლის სექტემბერი – საქართველოს კალათბურთელთა ეროვნულმა ნაკრებმა პირველად დამოუკიდებელი საქართველოს ისტორიაში ევრო 2015-ის საკვალიფიკაციო ჯგუფში პირველი ადგილი დაიკავა და ზედიზედ მესამედ გავიდა ევროპის ჩემპიონატზე.
სულ ახლახანს, კი – გუშინ ქართველი ქალი მოჭადრაკეები მსოფლიო ჩემპიონები გახდნენ!
დარწმუნებული ვარ ყველა ამ მიღწევას სწორად აფასებს საზოგადოება და სპორტული სამყარო, _ განაცხადა ყიფიანმა საგანებო ბრიფინგზე.
