ლანჩხუთის მუნიციპალიტეტის გამგებლის პირველი მოადგილე ნუგზარ ცინცაძე 242 კვ. მ. ფართის საცხოვრებელ სახლს და 1 587.00 კვ. მ. მიწის ნაკვეთს ფლობს ლანჩხუთში, კვირკველიას ქუჩაზე. ასევე ფლობს 5 800.00 კვ. მ. მიწის ფართობს _ როგორც დეკლარაციაშია მითითებული, "ჩაის ტერიტორიას". მისი მეუღლის _ ფატი მაჭუტაძის მფლობელობაშია 7 500.00 კვ. მ. მიწის ნაკვეთი ლანჩხუთის მუნიციპალიტეტის სოფელ ნიგოითში.
უძრავი ქონება არ გააჩნია ლანჩხუთის მუნიციპალიტეტის გამგებლის მეორე მოადგილეს ვახტანგ ზენაიშვილს.
ჩოხატაურის მუნიციპალიტეტის გამგებლის ამჟამინდელი მოადგილე თამაზ ჯინჭარაძე თითქმის ორი წლის განმავლობაში გამგებლის მოვალეობის შემსრულებელი იყო.
მის მიერ 2013 წელს შევსებულ დეკლარაციაში ვკითხულობთ, რომ დედის სახელზეა საცხოვრებელი სახლი ჩოხატაურში, ჯალაღანიას ქ. #2-ში (ფართობი _ 150.00 კვ.მ) და 1500.00 კვ. მ. მიწის ფართობი.
ასევ, დედის სახლეზეა არასაცხოვრებელი ფართი დუმბაძის ქ. #11-ში (ფართობი _ 14.00 კვ. მ.). ჯინჭარაძის მეუღლე ირინა მამალაძე 180.00 კვ. მ მიწის ნაკვეთს ფლობს; 2013 წლის დეკლარაციის თანახმად ჯინჭარაძეს დუმბაძის ქ. #11-ში 40.00 კვ. მ. ფართობი გააჩნია.
2015 წლის დეკლარაციაში თამაზ ჯინჭარაძის ქონება გაზრდილია _ როგორც ოფიციალური დოკუმენტიდან ირკვევა, გამგებლის მოვალეობის შესრულების დროს მას ჩოხატაურში დუმბაძის ქუჩაზე 54 კვ. მ. მიწის ფართობი შეუძენია.
იმავე პერიოდში შეძენილი აქვს მსუბუქი ავტომანქანა "TOYOTA 4runner".
ჩოხატაურის მუნიციპალიტეტის გამგებლის მეორე მოადგილის მინდია ჟღერიას ქონება ასე გამოიყურება: დედა, ლამარა ჟღერია ფლობს საცხოვრებელ სახლს ჩოხატაურში, სოფელ გორაბერეჟოულში (ფართობი _ 150.00 კვ.მ) და 10 000.00 კვ. მ მიწის ფართობს ამავე მისამართზე.
მინდია ჟღერია ბათუმში, ჭავჭავაძის ქუჩაზე მდებარე 24 კვ. მ. ფართის ბინის მფლობელია. ამავე მისამართზე ფლობს 24.00 კვ. მ. მიწის ფართობს.
ოზურგეთის მუნიციპალიტეტის გამგებლის ერთ-ერთი მოადგილე არჩილ ყაზაიშვილი დეკლარაციის თანახმად, არანაირ ქონებას არ ფლობს. ქონება არც მისი ოჯახის წევრებს გააჩნიათ.
ოზურგეთის მუნიციპალიტეტის გამგებლის მეორე მოადგილე გიორგი ღურჯუმელიძე 2013 წელს გამგებლის მოადგილის მოვალეობის შემსრულებელი იყო. ამ პერიოდში ღურჯუმელიძის სახელზე ქონებრივი დეკლარაცის თანახმად ქონება არ ირიცხებოდა.
2015 წელს შევსებულ დეკლარაციაში კი წერია, რომ ღურჯუმელიძე ბათუმში, ლერმონტოვის ქუჩაზე ფლობს 35.04 კვ. მ. ფართის ბინის 25%-ს, 25% დედის ირინა ღურჯუმელიძის საკუთრებაა, 50% კი 2014 წელს დაბადებული შვილის _ დავით ღურჯუმელიძის.
ოზურგეთის მუნიციპალიტეტის გამგებლის მესამე მოადგილის ბადრი გობრონიძის ქონება 350 კვ. მ. ფართის საცხოვრებელ სახლია ოზურგეთში, აკაკის ქუჩაზე და ამავე მისამართზე ფლობს 600 კვ. მ. მიწის ნაკვეთს.
ქალაქ ოზურგეთის მერის პირველი მოადგილის ალეკო ბურჭულაძის მფლობელობაში უძრავი ნივთი არ არის.
ქალაქ ოზურგეთის მერის მეორე მოადგილე კობა დუნდუა 111.00 კვ. მ. ფართის ბინას ფლობს თბილისში, ბელიაშვილის ქუჩაზე; 602.00 კვ. მ. არასასოფლო სამეურნეო მიწის ნაკვეთს ოზურგეთში, გრიბოედოვის ქუჩა #20-ში. ამავე მისამართზე აქვს 2 835.00 კვ. მ. სასოფლო სამეურნეო ნაკვეთი. ოზურგეთის მუნიციპალიტეტის სოფელ ნატანებში (ზვანი-შეკვეთილი) ფლობს _ 299.00 კვ. მ. სასოფლო სამეურნეო ნაკვეთს. კობა დუნდუას საკუთრებაშია 56.00 კვ. მ. ფართის საცხოვრებელი სახლი კურორტ ბახმაროში. მისი მეუღლე, თინათინ ნადირიძე 45.00 კვ. მ. ფართის საცხოვრებელ სახლს ფლობს გონიოში.
