ოზურგეთში, სოფლების ბაილეთისა და ოზურგეთის საზღვართან 40-მდე ძაღლი ღია სივრცეში დასეირნობს. ისინი ძაღლთსაშენის აშენებას ელოდებიან.
თუმცა, საქართველოს ცხოველთა დაცვის ფედერაციაში აცხადებენ, რომ ძაღლთსაშენის მფლობელი ცხოველებს აწამებს და მუნიციპალიტეტის თვითმმართველობას მის გათავისუფლებას სთხოვს.
" წელიწადში გოგი მაღლაფერიძე იჭერს ათასობით ძაღლს, ადგილზე კი მხოლოდ 20-25 ძაღლი ჰყავს საჩვენებლად, თითქოს თავშესაფარი აქვს. დანარჩენ ძაღლებს ხოცავს და ყრის იქვე ამოთხრილ ორმოში. მან მოსახლეობაში გაავრცელა საკუთარი ტელეფონის ნომერი _ ვინც დაურეკავს და ეტყვის, რომ სურს თავშესაფარში ძაღლის ჩაბარება, გადაახდევინებს 10-15 ლარს, მერე ამ ძაღლებსაც ხოცავს. ამ საჩვენებლად გაჩერებული ძაღლებიდან ნაწილი შიმშილით იხოცება, ნაწილი _ უწყლობით, რადგანაც, ვერ წვდებიან შუაგულში დადგმულ დიდ ჭურჭელს, რომელშიც ბინძური წყალი ასხია. საკვებზე კი საერთოდ ზედმეტია საუბარი", _ აღნიშნავენ ფედერაციაში და მოსახლეობას მოუწოდებენ ერთად შეაჩეროთნ „ბეგლარ სიორიძისა და გიორგი (ადგილობრივებისთვის ცნობილი, როგორც ,,გოგი") მაღლაფერიძის ქმედებები _ ფულზე გაყიდული ადამიანობა და ცხოველთა სიცოცხლე!"
ქალაქ ოზურგეთის მერიის პრესსამსახურში ფედერაციის ბრალდებებს უსაფუძვლოს უწოდებენ და ამბობე, რომ ოზურგეთში უპატრონო ცხოველების მოქმედი თავშესაფრის მიმდებარე ტერიტორიაზე დამატებით ახალი თავშესაფრის მშენებლობა მიმდინარეობს, რომელიც უახლოეს მომავალში დასრულდება.
"ცხოველთა დაცვის ორგანიზაციების რეკომენდაციების გათვალისწინებით, თავშესაფარში ძაღლების ვაქცინაციადა დანომვრა მოხდება. ვაქცინაციის შემდეგ ძაღლებს დაუსახლებელ ადგილებში გაუშვებენ. უპატრონო ძაღლების პრობლემა ქალაქის მერის, ბეგლარ სიორიძის არჩევამდეც იდგა ამიტომ უპატრონო ცხოველების დახოცვაში მისი დადანაშაულება უსამართლო მიდგომაა", _ აღნიშნავენ მუნიციპალიტეტში.
ამავე თამაზე:
საქართველოს ცხოველთა დაცვის ფედერაცია ქალაქ ოზურგეთის მერიას პასუხობს
"ერთად შევაჩეროთ ფულზე გაყიდული ადამიანობა და დავიცვათ ცხოველთა სიცოცხლე!“
