ყოფილი პრემიერ-მინისტრი ბიძინა ივანიშვილი "გურია ნიუსისთან" ექსკლუზიურ ინტერვიუში ამბობს, რომ "ნაციონალური მოძრაობიდან" წასული დეპუტატები მას არ დაუფინანსებია. ყოფილი პრემიერი მათთან თანამშრომლობსაც არ გამორიცხავს:
_ აბსულუტურად პოზიტიურად ვაფასებ, რომ მათ, გვიან, მაგრამ გააცნობიერეს ის, რომ მათი ქვეყანა საქართველოა და არა სააკაშვილი, _ აღნიშნავს ივანიშვილი.
არასამთავრობო ორგანიზაცია "მოქალაქის" დამფუძნებელი გოგა ხაჩიძესთან, ზურა ჯაფარიძესთან და "ნაციონალებიდან" წასულ სხვა დეპუტატებთან შესახვედრად მზადაა.
მისივე თქმით, "ნაციონალები" ხელისუფლებას ვერ დაიბრუნებენ და მათ არანაირი პერსპექტივა არა აქვთ:
_ მენტალურ ძალადობაზე გადავიდნენ, ამას ვერ გადაეჩვიენ, _ დასძინა ივანიშვილმა და განმარტა, რომ სააკაშვილის კრიტიკას აზრი აღარ აქვს.
ივანიშვილი ამბობს, რომ მოსახლეობამ არც "ნაციონალური მოძრაობის" და არც "ქართული ოცნების" იდეოლოგია არ იცის.
ამავე ინტერვიუში ივანიშვილმა ზონდერებზე, თანამდებობაზე მყოფ "ნაციონალებზე", პროკურატურაზე ისაუბრა და დასავლეთ საქართველოს საოლქო პროკურორთან დაკავშირებულ შეკითხვებზე პასუხები და განმარტებები ითხოვა.
