პარლამენტის უმრავლესობის დეპუტატს თამარ კორძაიას ფინანსური დეკლარაცია 2015 წლის 28 ივლისს აქვს შევსებული, რომლის მიხედვითაც, მის საკუთრებაშია თბილისში, ვარკეთილი 3-ში, მე-3 მ/რ, 319კ კორპუსში მდებარე 93.00 კვ.მ.-ის ფართობის ბინა; ხოლო მისი მეუღლე ზაზა მენაბდე ფლობს ბათუმში, ზვიად გამსახურდიას 39 ნომერში მდებარე 140.00 კვ.მ.-ის ფართობის საცხოვრებელ სახლს, რომლის თანამესაკუთრე თამარ კორძაიაც არის.
ასევე, ზაზა მენაბდე ფლობს მიწის ნაკვეთს ოზურგეთის მუნიციპალიტეტის სოფელი შემოქმედში, რომლის ფართობი 2680.00 კვ.მ.-ია.
ზაზა მენაბდე ასევე ფლობს 2002 წელს გამოშვებულ მსუბუქ ავტომანქანა „მიცუბიშ მონტეროს“, რომლის ღირებულებად დეკლარაციაში 15 000 ლარია მითითებული.
რაც შეეხება ოჯახის ფინანსურ მდგომარეობას, დეკლარაციის შევსების მომენტში თამარ კორძაიას საკრედიტო ანგარიშზე ,,თი–ბი–სი ბანკში'' 1170.00 ლარი იყო. ქართუ ბანკის სახელფასო ანგარიშზე „ქართუ“ ბანკის სახელფასო ანგარიშზე დეპუტატს 3600.00 ლარი ერიცხებოდა; საქართველოს ბანკის საკრედიტო ანგარიშზე 4000.00 ლარი;
ზაზა მენაბდეს კი, დეკლარაციის შევსებისას, სახელფასო ანგარიშზე საქართველოს ბანკში 1400.00 ლარი ჰქონდა.
რაც შეეხება ოჯახის შემოსავლებს, რომელიც მათ დეკლარაციის შევსებამდე ერთი წლის განმავლობაში მიიღეს ასე გამოიყურება:
თამარ კორძაიამ საქართველოს პარლამენტის წევრობიდან 43 200.00 ლარი მიიღო.
ზაზა მენაბდემ კი, საქართველოს თავდაცვის სამინისტროდან, სადაც მას სამხედრო პოლიციის მე-3 ქვეგანყოფილების უფროსის პოსტი უჭირავს, 14 564.00 ლარი; ხოლო შპს „სინათლის ქალაქი“ მონიტორინგის სამსახური უფროსის თანამდებობიდან – 6540.00 ლარი.
დეკლარაციის მიხედვით, თამარ კორძაიას სახელზე სამი სასესხო ხელშეკრულებაა გაფორმებული. მათ შორის:
24000.00-დოლარიანი იპოთეკური სესხი საქართველოს ბანკიდან კორძაიამ 2013 წლის 14 ივნისს აიღო (ხელშეკრულების დასრულების ვადა 14/11/2017), რისი პროცენტის დასაფარადაც მან ერთი წლის განმავლობაში 6540 დოლარი გადაიხადა.
თი-ბი-სი ბანკიდან კორძაიას 2010 წელს უვადო, 3780.00-ლარიანი სესხი აქვს აღებული, წინა წელს მის დასაფარად დეპუტატმა 4221.00 ლარი გადაიხადა.
კიდევ ერთი უვადო ხელშეკრულება კორძაიას საქართველოს ბანკთან აქვს გაფორმებული. ამერიქან ექსპრესიის ბარათზე მას 4000.00 ლარიანი სესხი აქვს აღებული. მისი პროცენტის დასაფარად დეპუტატს 1000 ლარის გასავალი ჰქონდა.
დეკლარაციის მიხედვით, ოჯახი არ ფლობს ფასიან ქაღალდებსა და ძვირადღირებულ ნივთებს. ერთი წლის განმავლობაში მათ არც ფასიანი საჩუქრები მიუღიათ.
