ქალაქ ოზურგეთის მუნიციპალიტეტის საკრებულოს თავმჯდომარეს გელა კობალაძეს თანამდებობრივი ქონებრივი დეკლარაცია ბოლოს 2014 წლის 2 ოქტომბერს აქვს შევსებული.
საკრებულოს თავმჯდომარის მამის ვალერიან კობალაძის სახელზე ირიცხება ოზურგეთის მუნიციპალიტეტის სოფელ ლიხაურში საცხოვრებელი სახლი, 150. 00 კვ.მ ფართობით. ვალერიან კობალაძეს ეკუთვნის ოზურგეთის მუნიციპალიტეტის სოფელ ლიხაურში მდებარე 3506 00 კვ.მ და 3729 00 კვ.მ მიწის ფართობები.
გელა კობალაძე არის ოზურგეთში, ჭავჭავაძის ქუჩაზე მდებარე ბინის მფლობელი, რომლის საერთო ფართობია 200.00 კვ.მ
ქონებრივ დეკლარაციაში საკრებულოს თავმჯდომარის სახელზე რეგისტრირებულია სამი მიწის ნაკვეთი, რომელებიც მდებარეობს ოზურგეთში, სოფელ ლიხაურში, ფართობი – 3503.00 კვ.მ. სოფელ ნატანებში, ფართობი – 3001.00 კვ.მ. და სოფელ შრომაში, ფართობი – 2000.00 კვ.მ.
გელა კობალაძის მეუღლის ელენე ქორიძის სახელზე ირიცხება 122. 00 კვ. მეტრი ფართობის საცხოვრებელი სახლი ოზურგეთში, გურიის ქუჩაზე.
ელენე ქორიძე არის ოზურგეთში მდებარე ორი მიწის ნაკვეთის მფლობელი , რომლებიც მდებარეობს გურიის ქუჩაზე, ფართობი – 558.00 კვ.მ და გაბრიელ ეპისკოპოსის ქუჩაზე, რომლის ფართობია–705.00 კვ.მ.
საკრებულოს თავმჯდომარის მეუღლეს ელენე ქორიძეს ეკუთვნის 30 პროცენტიანი წილი ოზურგეთში , გურიის ქუჩაზე მდებარე 140.00 კვ.მ. მიწის ნაკვეთში. დანარჩენი წილს მფლობელები არიან : მარინა დოლიძე – კეჭაყმაძე, გიორგი ხინთიბიძე, ვასილ ბეშიტაიშვილი.
ელენე ქორიძე არის ასევე 30 პროცენტი წილის მფლობელი არასაცხოვრებელი ფართის, რომელიც ოზურგეთში , გურიის ქუჩაზე მდებარეობს და რომლის ფართობია 500.00 კვ.მ. დანარჩენი წილის მფლობელები არიან ასევე მარინა დოლიძე კეჭაყმაძე, გიორგი ხინთიბიძე, ვასილ ბეშიტაიშვილი.
გელა კობალაძე არის ოზურგეთში, ჯავახიშვილის ქუჩაზე მდებარე არასაცხოვრებელი ფართის 27.5% წილის მფლობელი. შენობის საერთო ფართობია 970.00 კვ.მ . დანარჩენი წილის მფლობელები არიან გიორგი ხინთიბიძე, ზაურ ბეშიტაიშვილი.
საკრებულოს თავმჯდომარე ასევე 27.5% წილის მფლობელია ოზურგეთში, ჯავახიშვილის ქუჩაზე მდებარე მიწის ნაკვეთისა. დანარჩენ წილს ასევე გიორგი ხინთიბიძე და ზაურ ბეშიტაიშვილი ფლობენ.
გელა კობალაძის შვილი სალომე კობალაძე ფლობს ბინას თბილისში, ჯამბულის ქუჩაზე, რომლის ფართობია 30.00 კვ.მ.
ქონებრივი დეკლარაციის მიხედვით გელა კობალაძე ფლობს მსუბუქ ავტომანქანას "ლენდკრუიზერს"“, ასევე სატვირთო ავტომაქანას "ფორდ ივეგოს". მისი მეუღლე ელენე ქორიძე ფლობს სატვირთო ავტომანქანა "ივეგოს". სალომე კობალაძის საკუთრებაშია ავტომანქანა "მიცუბიში".
დეკლარაციის მიხედვით, გელა კობალაძის სახელზეა დარეგისტრირებული შპს. ,"ბეთლემი 2008" და შპს "ბერმუხა."
ხელფასის სახით წინა წლის პირველი იანვრიდან 31 დეკემბრის ჩათვლით მიღებული შემოსავალი შეადგენს 8100.00 ლარს.
საკრებულოს თავმჯდომარე აღნიშნავს, რომ მსუბუქი და სატვირთო ავტომობილების მფლობელი ის აღარაა. ასევე მისი მეუღლის სახელზე აღარაა რეგისტრირებული სატვირთო ავტომანქანა.
გელა კობალაძის თქმით, მან უკვე გაყიდა ლიხაურში მდებარე შპს. ,"ბეთლემი 2008".
