რუსეთი და ნატო შესაძლოა საომარი მოქმედებების დასაწყებად ემზადებოდნენ. ამის შესახებ ინფორმაციას ELN ავრცელებს.
როგორც ევროპული ლიდერების ქსელი იუწყება, ბოლო 18 თვის განმავლობაში, უკრაინის ომის ფონზე, რუსეთსა და დასავლეთს შორის ურთიერთობა საგრძნობლად გაუარესდა.
ევროპის ლიდერთა ქსელი ორივე მხარეს მოუწოდებს, კომუნიკაციისკენ და თავიანთი სამხედრო საქმიანობის გასაჯაროებისკენ.
"თითოეული ვარჯიში ჩანს, როგორც მეორე მხარის პროვოკაციისთვის გამიზნული, უნდობლობის გამომწვევი და არაპროგნოზორებადი. ყველა დიდ სამხედრო წვრთნებზეა ორიენტირებული, მაგრამ პოლიტიკოსებმა უნდა აჩვენონ პოლიტიკური განსჯისა და თავშეკავების უნარი, რის ფუნდამენტზეც შეიძლება აღმოცენდეს მზარდი სამხედრო წვრთნები."_ განაცხადა ELN-ს დირექტორმა, იან კირნსმა.
ELN-ს ანგარიში სახელწოდებით: არის თუ არა მოსალოდნელი, რუსეთისა და ნატო-ს სამხედრო წვრთნებისგან, ევროპაში ომი? – აანალიზებს ბოლო ორ საომარ მოქმედებებს, კერძოდ, რუსეთის მიერ მარტში ჩატარებულ "ვადამდელ სწავლებას," სადაც 80 000 სამხედრო მონაწილეობდა და ნატო-ს საჰაერო, საზღვაო და სახმელეთო წვრთნებს, სადაც ნატო-ს მოკავშირე 22 ქვეყნიდან 15 000 სამხედრო მონაწილეობდა.
"მიუხედავად იმისა, რომ სპიკერები სულ სხვა რამეს ამბობენ, ფაქტია, რომ ორივე მხარე ცდილობს ერთმანეთს საკუთარი შესაძლებლობები დაანახოს. რუსეთი ემზადება ნატო-ს წინააღმდეგ სამოქმედოდ, ხოლო ნატო რუსეთის შესაძლო კონფრონტაციისთვის."_ განაცხადაკირნსმა.
გარდა ამისა, ELN-ს დირექტორმა ორივე მხარეს მოუწოდა სამხედრო წვრთნების ხარჯების წინასწარი ბიუჯეტის დასახელებისკენ და ევროპის უსაფრთხოებისა და თანამშრომლობის ორგანიზაციასთან კონსულტაციების გავლისკენ.
"ძალიან მნიშვნელოვანია, რომ მოხდეს რუსეთისა და ნატო-ს მიერ წვრთნების გრაფიკის შეთანხმება."_ განაცხადა ევროპის ლიდერთა ქსელის დირექტორმა.
ანალიტიკურმა ორგანიზაციამ, რომელიც აერთიანებს ევროპისა და რუსეთის ქვეყნებიდან ყოფილ თავდაცვის მინისტრებსა და მაღალჩინოსნებს, ახალი ხელშეკრულების შექმნის შესახებ მიმართვა გააკეთა.
"ახალი დოკუმენტი უნდა შეიქმნას, რომელიც აკრძალავს გარკვეული კატეგორიის შეიარაღებას საზღვრებზე და შესაძლებელს გახდის საზღვრების გაკონტროლებასა და შემოწმებას."_ ნათქვამია ELN-ს განცხადებაში.
