საგანგებო სიტუაციების მართვის სააგენტოს მიერ გავრცელებული ინფორმაციით, დღეს საქართველოს მთელ ტერიტორიაზე ძლიერი წვიმაა მოსალოდნელი.
"საქართველოს შსს-ს სსიპ საგანგებო სიტუაციების მართვის სააგენტო, გარემოსა და ბუნებრივი რესურსების დაცვის სამინისტროს გარემოს ეროვნული სააგენტოს ჰიდრომეტეოროლოგიური დეპარტამენტიდან შემოსული ინფორმაციის საფუძველზე გაცნობებთ, რომ 14-15 ოქტომბერს ღამის საათებში საქართველოში მოსალოდნელია წვიმა, ზოგან ძლიერი, აღმოსავლეთ საქართველოს ჩრდილო მაღალმთიან რაიონებში ზოგან შესაძლებელია თოვლჭყაპი. მოსალოდნელმა ძლიერმა წვიმებმა საქართველოს ძირითად მდინარეებზე შესაძლებელია გამოიწვიოს წყლის დონის მნიშვნელოვანი მატება, პატარა მდინარეებსა და მშრალ ხევებში წყალმოვარდნები და ღვარცოფული ნაკადის ფორმირება", – აღნიშნულია განცხადებაში
