საქართველოს ფინანსთა მინისტრი ნოდარ ხადური ვერ აკონკრეტებს, გაიზრდება თუ არა პენსიები 2016 წელს. დღეს პარლამენტის საფინანსო-საბიუჯეტო კომიტეტის სხდომაზე 2016 წლის ბიუჯეტის მოსმენა გაიმართა. ფინანსთა მინისტრის განცხადებით, მისი სამინისტრო აქტიურად მუშაობს ამ მიმართულებით, მაგრამ გადაჭრით რამის მტკიცება, ჯერ ნაადრევია.
" ჩვენ დღეს პარლამენტის წევრებთან და დაინტერესებულ კომიტეტებთან შევთანხმდით, რომ გავაგრძელებთ მუშაობას, გადავხედავთ მაკროეკონომიკურ პროგნოზებს და შესაბამისად, შევხედავთ ბიუჯეტის პროექტის კორექტირებულ ვარიანტს და რა რესურსიც იქნება, იმის მიხედვით მივიღებთ გადაწყვეტილებას.
დღეს პარლამენტის საბიუჯეტო ოფისმა თქვა, რომ არსებობს რაღაც რესურსი. მზად ვარ, მათთან ერთად დავჯდე და განვიხილოთ , რა რესურსია. ჩვენთვის მნიშვნელოვანია, რომ ბიუჯეტის პროექტი რეალობასთან მაქსიმალურად მიახლოებული იყოს. ფინანსთა სამინისტრომ წარმოადგინა პროგნოზი და ჩვენ ვაგრძელებთ მუშაობას". – განაცხადა ხადურმა.
