დაკავებული მიგრანტების წინააღმდეგ არეულობის განსამუხტად პოლიციამ ცრემლსადენი გაზი გამოიყენა. აღნიშნულ ინფორმაციას BBC ავრცელებს.
მაუწყებლის ცნობით, შემთხვევა ავსტრალიაში, შობის კუნძულზე მოხდა.
როგორც ცნობილია, კუნძული ოფშორულ ზონას წარმოადგენს, სადაც ქვეყანაში ნავებით არალეგალურად ჩამოსული მიგრანტები და ასევე ის უცხოელები იმყოფებიან, რომლებმაც ავსტრალიაში ჩამოსვლის შემდეგ დანაშაული ჩაიდინა და დეპორტაცია ემუქრება.
როგორც საემიგრაციო დეპარტამენტში აცხადებენ ყველა დაწესებულებაში სრული კონტროლი დაწესდა მას შემდეგ, რაც პოლიციამ ძალა გამოიყენა დაკავებულთა ჯგუფის წინააღმდეგ, რომლებმაც ბარიკადები ააშენეს და თვითნაკეთი იარაღისა გამოყენებით იმუქრებოდნენ.
გავრცელებული ინფორმაციით, არეულობა მას შემდეგ დაიწყო, რაც ირანულმა დაჯგუფებამ ირანელი პატიმრის გარდაცვალების გამო პროტესტი დაიწყო.
როგორც ავსტრალიის მინისტრი ემიგრაციის საკითხებში, პიტერ დუტონი აცხადებს, არეულობის შედეგად 5 დაკავებული დაშავდა, მაგრამ ის ვერ ადასტურებს ინფორმაციას მიგრანტების წინააღმდეგ პოლიციამ ცრემლსადენი გაზის გარდა რეზინის ტყვიები თუ გამოიყენა.
