საპარლამენტო უმრავლესობის ლიდერის ზვიად კვაჭანტირაძის განცხადებით, "რაღაცნაირი, აგრესიული პოპულიზმი, ეტყობა უკვე დაავადებაა ქართულ ოპოზიციაში".
_ ყველა, ვინც იბრძვის ნებისმიერი საშუალებით ხელისუფლებაში მოსასვლელად მეტნაკლებად პოპულისტობს. ჩვენთან ყოველთვის ასე იყო, მაგრამ დღესდღეობით, ფეისბუკმა რომ მისცა გასაქანი აგრესიულ პოპულიზმს, მოკლედ…. ნუ იტყვით რაა…
ხშირად იმდენად ხელოვნურები არიან, ზუსტად ვხვდები, ვის რა შანსი აქვს სამომავლოდ. ეს გზა ხომ, მეტნაკლებად ყველამ გამოვიარეთ. რა ჯობია ყველა რომ ტაშს გიკრავს, ყველას მოსაწონს რომ ამბობ, მაგრამ მერე, რეალობა ბევრ რამეს აკორექტირებს.
ზომიერება ყველაფერში საჭიროა. ვერ სცდებით პოპულიზმს? კი ბატონო, მაგრამ იყავით პატიოსანი პოპულისტები მაინც, _ წერს კვაჭანტირაძე სოციალურ ქსელში და ოპონენტებისთვის მაგალითიც მოჰყავს:
_ როდესაც ხელისუფლებას აკრიტიკებთ, აგრესიულად ემუქრებით და ლაფს ასხამთ და ლანძღავთ პენსიას 20 ლარით უმატებსო, უფრო პატიოსანი პოპულიზმი იქნებოდა სიმართლე სრულად გეთქვათ და ისე გაგეკრიტიკებინათ ხელისუფლება.
სიმართლე კი ასე უნდა ითქვას, რომ მართალია, ქართული ოცნების ზოგიერთი წარმომადგენლები (მათ შორის უკვე განდეგილებიც) გვპირდებოდნენ, რომ პენსია 220 ლარი გახდებოდა, მაგრამ ქართული ოცნების ხელისუფლებაში მოსვლის დროს პენსიები იყო 110-დან 125 ლარამდე და იგი , ჯერჯერობით მხოლოდ 180- დან 210 ( მთიან რეგიონებში!!!) ლარამდე გაიზრდება. მომავალ წელს კიდევ უფრო მატების შანსებზე საერთოდ ხმას ნუ ამოიღებთ.
ის 10-დან 40 ლარამდე, რაც აქამდე ვერ გავქაჩეთ გვირტყით თავში. თანახმა ვარ. ამას გარდა აღიარეთ, რომ სოციალური პოლიტიკა მაქსიმალურად შეცვლილია ქვეყანაში და აღმოაჩინეთ და აკრიტიკეთ მერე რასაც იპოვით სათაკილოს.
მახალისებს, როცა ვხედავ ასეთ აგრესიულად პოპულისტურ სტატუსებს რომ იწონებენ ყოფილი ხელისუფლების ცნობილი აპოლოგეტებიც. ამ დროს თავად პოპულისტი- ავტორები თავს კომფორტულად გრძნობენ, _ წერს კვაჭანტირაძე.
