საქართველოს შინაგან საქმეთა მინისტრის, გიორგი მღებრიშვილის ოჯახის საკუთრებაში 2 ბინა, ორი მიწის ნაკვეთი და საცხოვრებელი სახლია.
ამის შესახებ მინისტრის ქონებრივ დეკლარაციაშია აღნიშნული, რომელიც მან 2016 წლის 25 იანვარს შეავსო.
თბილისში, ფოთის ქუჩაზე მდებარე 100.00 კვ.მ-ის ფართობი ს ბინა გიორგი მღებრიშვილის 100%-იან საკუთრებაშია, ხოლო მეორე, 40.00 კვ.მ-ის ფართობის ბინა თბილისში, ყაზბეგის გამზირზე, მის მეუღლეს, ნინო გედევანიშვილს ეკუთვნის;
რაც შეეხება საცხოვრებელ სახლსა და მიწის ნაკვეთებს, ის შს მინისტრის საკუთრებაშია და წაღვერში მდებარეობს. დეკლარაციის მიხედვით, საცხოვრებელი სახლის ფართობი 90.00 კვ.მ-ია, ხოლო ამავე მისამართზე არსებული მიწის ნაკვეთის ფართობი 1000 კვ.მ-ია.
რაც შეეხება მეორე მიწის ნაკვეთს ისიც წაღვერის ტერიტორიაზე, ბორჯომ- ბაკურიანის გზაზე მდებარეობს და მისი ფართობი – 2000.00 კვ.მ-ია.
გარდა ამისა, მღებრიშვილი ფლობს ავტომანქანა "მერსედესი 350"-ს.
დეკლარაციის მიხედვით, 2015 წელს, გიორგი მღებრიშვილის საერთო შემოსავალი 75 337 ლარი იყო, აქედან, საქართველოს სასჯელაღსრულებისა და პრობაციის მინისტრის პოსტიდან მან 43750.00 ლარი აიღო, ხოლო შს მინისტრის პოსტიდან – 31587.00 ლარი.
რაც შეეხება მისი მეუღლის, ნინო გედევანიშვილის შემოსავალს, "ლიბერთი ბანკიდან" მას, 11200.00 ლარი აქვს მიღებული, სადაც ის ინკასაციისა და უსაფრთხოების დეპარტამენტის საქმის წარმოების ჯგუფის უფროსია.
დეკლარაციის შევსების მომენტში, გიორგი მღებრიშვილს ნაღდი ფულის სახით გიორგი მღებრიშვილი 63000.00 დოლარი ჰქონდა, ხოლო მის სახელფასო ანგარიშზე "კორსტანდარტ ბანკში" 12881.00 ლარი იყო.
მის მეუღლეს კი, "ლიბერთი ბანკის" სახელფასო ანგარიშზე 570.00 ლარი ჰქონდა.
ქონებრივ დეკლარაციაში ასევე აღნიშნულია, რომ 2015 წლის 29 აპრილს გიორგი მღებრიშვილმა მის საკუთრებაში არსებული მიწის ნაკვეთი (მდებრეობა – წავკისი, ჩერონი, ფართობი-(900 კვმ)) 142000.00 ლარად გაყიდა.
დეკლარაციის მიხედვით, მინისტრის სახელზე არ ფიქსირდება იპოთეკური ან რაიმე სხვა სახის საბანკო სესხი, ოჯახი არ ფლობს ფასიან ქაღალდებსა და ძვირადღირებულ ნივთებს.
