ამერიკის შეერთებული შტატები ხუთი გლობალური გამოწვევის წინაშე დგას. აღნიშნულ განცხადება თავდაცვის მინისტრის მოადგილემ ეშ კარტერმა 2017 წლის თავდაცვის ბიუჯეტის წარდგენისას გააკეთა.
"დღეს არსებული უსაფრთხოების გარემო მკვეთრად განსხვავდება ბოლო 25 წლის განმავლობაში არსებული მდგომარეობიდან. ის ასევე ინვესტიციისა და მოქმედებისთვის ახალ გზებს საჭიროებს,"_განაცხადა კარტერმა.
მისი თქმით, რუსეთი, ჩინეთი, სამხრეთ კორეა, ირანი და ტერორიზმი ამერიკის შეერთებული შტატებისთვის არსებულ ხუთ გლობალურ გამოწვევას წარმოადგენს და გავლენას ახდენს ქვეყნის თავდაცვის სამინისტროს ბიუჯეტის დაგეგმვაზე.
კრატერმა ასევე აღნიშნა, რომ რუსეთი და ჩინეთი ამერიკის შეერთებულ შტატებს კონკურენციას უწევენ სამხედრო სისტემების გაძლიერებასა და განვითარებაში.
მისი თქმით, ისინი ასევე საფრთხეს უქმნიან ამერიკის უპირატესობას კონკრეტულ სფეროში.
ამერიკის შეერთებული შტატების მდივანმა ასევე აღნიშნა, რომ რუსეთი არღვევს საქართველოს, უკრაინის და მოლდოვის სუვერენიტეტს.
მან ასევე განაცხადა, რომ ამერიკას არ სურს რუსეთთან მტრობა, მაგრამ საკუთარ ინტერესებს, მოკავშირეებს, საერთაშორისო წესრიგს და პოზიტიურ მომავალს დაიცავს.
კრატერის განცხადებით, ამერიკის შეერთებული შტატების თავდაცვის სამინისტროს 2017 წლის ბიუჯეტის მოთხოვნა 582, 7 მილიარდ დოლარს შეადგენს, საიდანაც 523, 9 მილიარდი დოლარი ბაზის ბიუჯეტისთვის, ხოლო 58, 8 მილიარდი კი საზღვარგარეთ ოპერაციების რეაგირების ფონდისთვის გამოიყოფა.
როგორც ცნობილია, ამერიკის შეერთებული შტატების თავდაცვის ბიუჯეტი კონგრესმა უნდა დაამტკიცოს.
