“ევროკავშირის მიღმა დიდი ბრიტანეთი მუდმივად ღარიბი იქნება”

"დიდი ბრიტანეთი ევროკავშირის გარეთ მუდმივად ღარიბი იქნება" –  BBC-ის ინფორმაციით, აღნიშნული განცხადება კანცლერმა ჯორჯ ოსბორნმა გააკეთა.

ოსბორნის ინფორმაციით, ევროკავშირის დატოვების შემთხვევაში დიდ ბრიტანეთში მცხოვრები ოჯახების ბიუჯეტი 6%-ით შემცირდება, რაც 2030 წლისთვის თითოეული ოჯახის ბიუჯეტს ყოველწლიურად 4 300 გირვანქა სტერლინგით დააზარალებს.

როგორც ცნობილია, დიდ ბრიტანეთში ევროკავშირის დატოვების შესახებ რეფერენდუმი 23 ივნისს გაიმართება. 

გავრცელებული ინფორმაციით, დიდი ბრიტანეთის  მიერ ევროკავშირის დატოვების შესახებ გადაწყვეტილების მიღება მიგრანტების კრიზისით წარმოქმნილმა პრობლემებმა გამოიწვია.