10 მაისს, ჩოხატაურში, "ივლიტას ბიბლიოთეკაში" მოეწყო პროექტის _ "ვკითხულობთ ერთად", ბოლო ნაწილის _ "გეპატიჟებით ფინჯან ჩაიზე", პრეზენტაცია.
პროექტს, ნიკო მარის სახელობის #1 საჯარო სკოლის რუსული ენის პედაგოგები _ ქეთევან კუბლაშვილი და მარინე ყაჭეიშვილი უკვე მეორე წელია, წარმატებით ახორციელებენ.
პროექტის მიზანია რუსული ენის პოპულარიზაცია და რუსული ლიტერატურის უკეთ გაცნობა. პროექტში ჩართულები არიან სკოლის მე-10 და მე-12 კლასის მოსწავლეები. პროექტის ფარგლებში, მონაწილეებმა რუსულ ენაზე წაიკითხეს რუსი კლასიკოსების 7 ნაწარმოები. პრეზენტაციაზე განიხილეს ალექსანდრე ვუარინის "ძოწის სამაჯური".
პროექტის პრეზენტაციას ესწრებოდა მუნიციპალიტეტის გამგებელი ირაკლი კუჭავა, საგანმანათლებლო რესურსცენტრის ხელმძღვანელი შორენა სიხარულიძე, აგრეთვე, სხვადასხვა სამსახურის წარმომადგენლები.
პრეზენტაცია ძალიან საინტერესოდ წარიმართა. მონაწილეებმა სტუმრებთან ერთად განიხილეს ნაწარმოები, ღიად გამოთქვეს საკუთარი აზრი, მოწვეული სტუმრები აქტიურად ჩაერთვნენ დისკუსიაში.
ეს იყო კიდევ ერთი შინაარსიანი დღე "ივლიტას ბიბლიოთეკაში".
